¹ Ba Naomi banyinafyala , balilabile kuli ye ati wemwana wandi kani loba tekuti kufwile incende yobe lyakutushishako, pakweba ati, ifintu kafyenda bwino pali webo? ² pano Boasi umuntu uwakwete abapyungishi abanakashi abawali nabo kanshi talipo mukwabesu,?bonako lelo ubushiku akulukwela amabali apakupumina. ³ Napali fyefyo ngaulisamfye ulisufye ufwale ifyaku fwala ifiweme nekuya panshi apakupumina pano wililanga ukwishibikwa ku mwalalume ukufikila ulu aku pwisha ukulya nekunwa. ⁴ Sombi ili akulala panshi ube nekwishibapo pancende apo apaakulala pakweba pakupita akapindi ungaya nekufimbula amakasa eli akakweba ifya kucita . ⁵ Lufi alilabile kuli Naomi ati, ndecita fyonse ifiwalabila. ⁶ Penka alile panshi apakupumina kabili alikonkele ukusambilisha uku abalokashi bakwe bamupele. ⁷ Ili Boasi aile nekunwa nemutima wakwe walisangalele alile mukula panshi pampelo yamabali eli aishile umukilile nekufimbula amakasa akwe, nekulala panshi. ⁸ Calishile mukuba pakati kabushiku ili umuntu atininine nekwaluluka penkapalya umwanakashi alilele kumakasa akwe! ⁹ Alilabile atu ''alilabila ati'' niwe nani alyasukile,'' nine lufi umupyungishi obe umwanakashi mfimbeni ingubo yenu pamupyungishi wenu umwanakashi pakuti mwebo muli baamu besu ukwakuti.'' ¹⁰ Boasi alilabile ati,'' wemwana wandi ngaushukishiwe kuli ba Yawe walangishe inkumbu ishicilile mukupelako ukucila pakutatika pakuti tawilepo kubalumbwana, neli, pakuti tawilepo kubalumbwana, neli nikubapengele neli babile. ¹¹ Pano wemwana wandi , witina! nakucita kuli webo fyonse ifiwalabila, pakuti umushi onse uwabantu bandi balishi ukweba ati uli mwanakashi umulungame ¹² Cacine ndishi ndimulamu sombi ekwali umulamu uli pepi uku cila nebo . ¹³ Ikala kuno lelo ubushiku nelucelo kani akucita kuli webo umulimo wabulamu kuli webo, sombi kani takacitapo ulimo wabulau , eli nebo nebo eli nkakubela bulamu, pamweo wabo Yawe lala panshi ukufika ulucelo,'' ¹⁴ Penka alilele pamakasa akwe ukufka ulucelo sombi alibukile ili uuli onse tekuti eshibepo umuntu mubyakwe, paktu Boasi alilabile ati,'' cibapo icakwishi alishile ukwakupumina,'' ¹⁵ Eli Boasi alabile ati leta insalu yobe ulifima'' ili acitile fi, alipimine fisanu nacimo ifyamabali nekumututwika eli Boasi abwelele mumushi ili Lufi aisa. ¹⁶ Ili lufi aishile kuli banyinafyala alilabile ati ifi ifyakupima fisanu nafibili ifyama bali efi apele, pakuti. ¹⁷ alilabile ati aikona ukuya minwe lukoso kuli banokufyala.'' ¹⁸ Eli Naomi alabile ati ,'' ikala kuno wemwana wandi ukufika ukeshibe umucikabela icebo pakuti uyu umwalalume teti atushe ili tangashila icebo ici lelo.