¹ Eli Yobo angabaasuka ba Yawe nekulabila ati, ² " Ndiishi ati mulishi ukucita ifintu fyonse Nakabili ati takulipo ukulandakanya kwenu neli kumu ukungacicilwa. ³ Mbaninani uyu ufisa ukufunda apakubula kalango?'' akuti pali fyefyo nali nalabilefyo ifi nshinaishibishe, ifintu ifyakukankamana ifyapatali pali nebo ifyo nshinaishibe. ⁴ Ndukumukombeteleni ati mumfwe eli nakulabila; ⁵ Nakumwipushisheni mumbulishisheni. naliumfwile ifyakuli mwebo kukumfwa kwakutwi, Sombi bakumo ilinso lyandi lyamu boneni. ⁶ Pakuti pali fyefyo ndukulukanamina, ne kulapila mwifukutu namumatoi. ⁷ Lomba ili ba Yawe balabile amashiwi ayo kuli Yobo palibele ati ba Yawe balilabile kuli Elifashi umu temani, ati,'' ubukali bwandi bwakubukila, nekufibukila ifibusa fyobe fyobilo, pakuti tamulabila ifyakuli nebo ifilungeme, koti ni fyefyo ifi alabile umupyungishi wandi Yobo. ⁸ Pali fyefyo lomba ,mubule abasune basanu nababili, nembelele ishalalume shisanu nashibili muye ku mupyngishi wandi Yobo , mulicele umulambu wakoca umupungishi wandi Yobo akamutembeleleni nakumusumina kwenu, ni ngesa kumucitileni koti kutumpa kwenu. Pakuti tamulabile ifya kuli nebo ifilungeme, koti nifyefyo ifi alabile umuntu wandi Yobo. ⁹ Icine Elifashi umu Temani, Bilidadi umu shuci, na sofa umu nayamati baliile nekucita koti nifyefyo ifi ba Yawe baba fundile, Nabo ba Yawe kabamusumina Yobo. ¹⁰ Ba Yawe balibweseshe bukaili bwakwe Yobo ili alukufitembelela ifibusa fyakwe kabili ba Yawe balimupele Yobo ifintu ifyakufula pabili napali fyefyo ifi bali nafyo pakutanga. ¹¹ Elyo paishile kuli ye abakwabo bonse, nenkashi shakwe shonse , nawabo bonse abali babyakwe akale nkulukulya nakwe ku ŋanda. Nebo ne kumusangalasha pakuti pafibipile fyonse ifyo waletele ba Yawe pali ye , A bantu bonse kabili umo umo insalamo ye golide. ¹² Fyefyo ba Yawe balikushukishe ukupelako kwakwe Yobo ukucila napaku tanga kwakwe. walibele nembelele amasausande ikumi naane, nengamela amasausande asanu ndimo, neŋombe shakuku mana ifikonkoli isausande limo, Nembongolo ishanakashi isausande limo. ¹³ Nakabili balibele nebana abalalume basanu nababili nebana abanakashi batantu. ¹⁴ Naye alilikile ishina lyawakutanga ati ni jemima, neshina lyawabubili ati ni Kesiya Neshina lyawabutatu ati ni Keleni yapuki ¹⁵ Lomba monse mucalo tamwabwenekele abana kashi abakupalana ubulombe nebana bakwe Yobo abanakashi. kabili wishibo wa liba pele ubupyani pakuti pandume shabo. ¹⁶ Panuma pali fyefi, Yobo alikele imyaka umwana umo nemyaka amakumi ane peulu nekubona abana bakwe abalalume , Nebana wabana bakwe ukuficila ifitentekwa fine. ¹⁷ Fyefyo Yobo alifweile , ili acekwile nekufula kwa myaka.