¹ Pamo Elifasi umwina Temoniti Kaasu ka nekulabila ati. ² kani uli aesha ukulabila nawebo, kani ukaba wakubulo kutekanya? pamo ninani ungalikanya ukuleka ukulabila umwine enka. ³ Bona, webo wasambisha abengi , uli koseshe amabo aabafilo ⁴ Amashiwi obe ndi mukoseleshe uyo walewa; uli lengeshe amakufi aalekonko nteka ukukosa. ⁵ Sombi pano ukupenga kwaisa kuli webo, kabili wale muka cakukuma kabili wasuswa. ⁶ Takuli kutina kwemu ukupemamo kwenu, nekushikimana kwanshila shenu ulucetelo lwenu.? ⁷ Languluka pali cici, napapata: Ninani uwalobele uwakubula umulandu? Neli nilwisa abantu abalungeme bapu twilwe? ⁸ Ukulingana ku fintu nabona, abo ababima ububi nekubyala ipensho balalisepa. ⁹ Mukupema kwa ba Lesa balaloba; mukupata kwabukali bwakwe eko bashilila. ¹⁰ Ukubula ma kwankalamu, ishiwilya nkalamu iikali, ameno atwense twa nkalamu- ali konaikile. ¹¹ Inkalamu ii kulu yafwa pakubulo isha kulya nama; utwense twaikota twapa langano konse. ¹² Panoumulandu umbi wali wamfiso u waletelwe kuli nebo, nekutwi kwandi kwalipokele ukutepeta kwa cico. ¹³ Pano kakwisa amalangulushi ukufuma mufiloto mubushiku, ili utulotwi ngi twaisa pa bantu. ¹⁴ Chili mubushiku ili ukutina nekututuma kwaishile pali nebo nemafupo andi onse katenkana. ¹⁵ Pano umupashi kaupita kuntanshi ya cinso candi , ne mishishi ya munefu wandi kaimakana. ¹⁶ Nemupashi kawimakana shika sombi te kuti mpusanye ukuboneka kwaciko icimo calikuntanshi yamenso andi; kuli ukutumana, kabili nalyu mfwile ishiwi ilyo ilya labile. ¹⁷ Kani umuntu uufwa angaba nekulunga ma ukucilapo pali ba Lesa? Kani umwalalume anga alapo ukuwaminina uku cila uwamulengele? ¹⁸ Bona , kani ba Lesa tabacelepo abasha babo; kani nkabamba shabo bashikalipila pakubifya. ¹⁹ Chinga cilapo shani icicacine kuli babo aba abekala muma ŋanda ye loba, abo abakwete imifolwa yabo mulukungu? ²⁰ Pakati ka lucelo ne cingulo baongulwa balafwililila ukwakubula neli umo uwa kubeshiba. ²¹ Kanshi intambo sha fisasa fyabo tashiputuka po kakati kabo? Balafwa, balafwa ukwakubula akalango.