¹ Pano bukumo, Yobo , nakulomba umwe ukulabila kwandi, umfwe kumashiwi onse aandi. ² Bona pano, Naisulala akanwa kandi, ulumini lwandi lwalabila mukanwa kandi. ³ Amashiwi andi alisa ukufuma ku kulungama kwa mutima wandi milomomo yandi ilalabila ukwishiba ukuswetele. ⁴ Umupashi waba Lesa wandenga, ukupema kwaba makosa kwampela umweo. ⁵ Kani unga cita, ngasuka, bika amashiwi obe munkonka kuntanshi yandi kabili wimakane. ⁶ Bona , nebo ndikoti fintu uli mukubona kwaba Lesa. Na nebo nali bumbilwe ukufuma kwibumba. ⁷ Bona , umwenso wandi taukakulengapo ukutina, neli ku nti ninkisha ukwanditakukalema pali webo. ⁸ Walabila muli bucine mukumfwa kwandi, naciba ndikutikile ukula bila kwa mashiwi obe ukweba ati. ⁹ Nebo ndilabile kabili ukwabula ukupulaisha. Nebo ndi uwakubula umulandu , kabili tamupo icibipile muli nebo. ¹⁰ Bonani ba Lesa ba sanga akapindi akaku ndwisha nebo ancita koti ndi mulwani wakwe. ¹¹ Balabika amakasa andi mufipakati, balalonda inshila shandi dhonse. ¹² Bona , muli fifitaulipo ulungeme ndi neku kwasuka, pakuti ba Lesa ba kulu ukucila umuntu. ¹³ Nindo uleba lwishisha mukubalukila? Taba fipendapo pafintu ifibacita. ¹⁴ Pakuti ba Lesa balalabila limo- inya libili, nangu umuntu tacibonapo. ¹⁵ Muciloto, mufimonwa fyamubushiku ili utulo twingi twaponena pabantu mukushipula pabulo. ¹⁶ Pano ba Lesa baisula amatwi abantu, nekubatinisha nefyakutinya. ¹⁷ Mukweba ati umuntu bamufumye ukumubwesha ukufuma kufyakubifya ifi afwaya uku cita, nekulama ukufuma kukutitota. ¹⁸ Ba Lesa balalama nekubwesha fumaku cilindi nekubwesha umweo wakwe ukufuma kukutolokela ku mfwa. ¹⁹ Umuntu alapamwa kabili mukusomenwa pabulo bwakwe nekulilakana ukwaku twalililo mumafupa akwe. ²⁰ Ukweba ati umweo wakwe wafitilwa ifyakulyane mweo wakwe wafitilwa ifya mabwenge. ²¹ Umunefu wakwe walikwa wafumapo ukweba ati tekuti ciboneke, amafupa akwe limbi talebo nekapo, bukumo apola panse. ²² Icine umweo wakwe wapalami na aapepi neclindi, umweo wakwe kuli babo abafwaisha uku onala. ²³ Sombi kani kwabapo abangeli abanga ba baku mwimakaninako, uwkwimakaninako, umo ukufuma pabali amaka abangeli, uwakumulanga icaku ata icilungeme. ²⁴ Kabili kani umungeli waluse kuli ye ne kulabila kuli ba Lesa pulusheni uyu ntu ukufuma kukuya panshi ku cilindi, Nasanga uwaku ndubula nebo. ²⁵ Pano inkanda yakwe ikaba iiweme ukucila neya mwanike, akabwelela kunshiku sha mako akwe aabwanike. ²⁶ Akatembelo kuli ba Lesa, naba Lesa bakaba ne luse kui ye ukweba ati ongabona icinso caba Lesa na nsangalashi ba Lesa bakapela umuntu ikukomekakwabo. ²⁷ Pano uyo muntu ake mba kuntanshi ya bantu ba mbi nekulabila ati. Nali bifishe nekwalula ico icali cilungeme sombi ukubifya kwandi takwa paminwepo. ²⁸ Ba Lesa ba pulusha umweo wandi uku fuma mukuya panshi mucilindi umweo wandi ukatwalilila ukubona ukutuba. ²⁹ Bona , ba Lesa balacita ifi fyonse ku muntu, imiku ibili, inya, nekufika ku wacitatu. ³⁰ Ukuleta umweo wakwe uku ubwesha ukufuma ku alindi, pakweba ati angaba uwakwishibishiwa ne kutuba kwa mweo. ³¹ Umfwikisha, Yobo, nekumfwa kuli nebo , wikale celele kabili ndi neku labila. ³² Kani ulikwetepo icili conse icakulabila , unga suke, labila, pakuli ndefwaisha uku shini nkisha ati webo uli uku lungama. ³³ Kani tefyo pano umfwekuli nebo ikala celele, kabili ndineku kusambilisha akalango.