¹ Pano abo abali banini ukucila pali nebo nshikwetepo neli cimo sombi ukucela kuli nebo- aba bantu aba lalume abanini abo bawishibo abo bali nekukanina ukusuminisha uku bomba pakabeya kambwa sha pelanga lyandi. ² icine, amakosa amaboko aba wishibo nga calinga fwile shani- abalalume muli amakosa yamyaka yakukula kwabo. ³ Ba lyondele ukufuma kukupenga na kunsala, bali kuli sumawila pa mushili uumine mumfinshi yamumawesa na mukulikalila ⁴ Bale pulula ifisepo ne mabula fimpkulu ne fyakulya fyabo fyali mishu ya citi camitano. ⁵ Bali batamfishe ukufuma pakati ka bantu aba bakabilipile koti niuyo uulekalipila kabwalala. ⁶ Pano babekala mufisensa fya nika mufilindifya mumushili ne fya mu mabwe. ⁷ Pakati ka fimpukulu kabafutanyo koti ni mbongolo nebunga pamo mufimpukesa. ⁸ Bali bana balalume abafipuba , icine abana balalume aba bnatu abata bakwete amashina! Balitamfishiwe ukuba fumya mu mpanga ne fyembya. ⁹ Sombi pano naba cakulabilapo icalwimbo lwamitumfyo, Nabalishiwi lyaku luluka kalibo. ¹⁰ Bansula nekwimakana apatalamukile ukufuma kuli nebo tabalekele ukutalamuka ukufuma kukunshipila mumenso yandi. ¹¹ Pakuti ba Lesa bakakulula intamboku buta nekumpensha, nababo abalenshibuluka bamposela nekuncefya kuntanshi ya cinso candi. ¹² Naku kuboko kwa lwine lwandi kwaima abalumendo ababipile, bantamfwa ukutali neku bungana ukungalukila mutubumba banshinguluka. ¹³ Ba onaula inshila yandi basunka ku ntanshi ubo naushi, abantu abataba kwete neli umo ku bakanya . ¹⁴ Baisa mukundwisha koti fita ukupito mucili ndi icisalele mucibumba camushi pakati kabo na ushi bapalamina abene bonse ukwisa pali nebo. ¹⁵ Umwenso waisa pali nebo , umucinshi wandi wafumishiwapo koti nikabesha ububile bwandi bwapita bwaya koti likumbi. ¹⁶ Pano umweo wandi wapongoloka uku fuma muli nebo, inshiku ishingi ishakupenga shaisa palinebo. ¹⁷ Mubushiku amafupa muli nebo alasaulwa ukusomenwa ukulenshebaula takutushapo. ¹⁸ Ukupatikisha ukukulu ukwaba Lesa kwaikati lila ifyakufwa fyandi kulapeta ukufwala candi. ¹⁹ Amposa mumatipa, Naaluka koti luku ngu ne matoi ²⁰ Nalilila kuli mwebo , ba Lesa , sombi tamungasukapo, nolemakana , kabili mulandolesha lukoso. ²¹ Mwaaluko nekuba nebukali kuli nebo neku kosa kwa kuboko kwenu mulampensha. ²² Mulanjimya peulu kuli kabesha nekuulenga ukuntesha ukuya mulamposa kunuma nakanta nshi mucipupu icikulu. ²³ Pakuti ndishi ati mukantwala kumfwa kuli bbo abasontelwe abakuli babo abamweo. ²⁴ Nangu cibefyo , kulupo naumo uungafisha ukuboko kwakwe ukulomba ukofwiwa ili apona? kulipo umo uuli mukupenga aita ukofwiwa? ²⁵ Kanshite nebo mulilulako uyo wali mukupenga? kanshi nshalililepo pa muntu umukabi. ²⁶ Ili nicetekele paciweme, pano icibipile kaciso ili nalepembela ukutuba mucifulo cafifyo inafinshi kaisa. ²⁷ Umutima wandi wapenga kabili taulushapo inshiku shaku shakusomenwa shaisa pali nebo. ²⁸ naya ilinyendauka koti ni oyo uwaleikala uufutile , sombi tefyo pakuti pa kasuba Naimakana uwakubungana neku lila ukufiwa. ²⁹ Nebo ndi naume kuli ba mumbwe icibusa ca mpye. ³⁰ Inkanda yandi yafita nekulambatuka ukufuma kuli nebo amafupa andi apya ne cikabilila. ³¹ Pali fifyo ubwesela bwandi bwalila panyimbo shamalilo umutolilo wandi wapakwimbakwa babo abalelilishika.