¹ Yobo katatika ukulabila nekulabila ati, ² "Koti nimucine koti kwikalakwaba Lesa abo abapinta ukufuma kuli nebo ubupingushi bwandi aba makasa onse abo aba lengele umweo wandi ukupenga. ³ Ili umweo wandi ucili muli nebo nekupema ukufuma kuli ba Lesa kuli mumyona yandi, ifyo efinka cita. ⁴ Imilomo uandi taikala bila polibumbi fi nangu cibe lumini lwandi lukalabile ifyabufi. ⁵ Nshika sumina po ati mwebo batatu muli bwino, mpaka nkafwe nshi kakanapo imilangwe yandi ⁶ Ndikatishe makosa kubulungami bwandi kabili nshikabule kako buka ye amalangulushi andi tekuti anshinine ilyolonse ilincili ne mweo, ⁷ Lekeni umulwani wandi abe koti muntu imbifi, lekeni uyo uumnbukila ukungalukila abe koti muntu utalu ngemepo. ⁸ Nipali fisa apali ukucetekela kwa muntu uutakwete ba Lesa ili ba Lesa bakamu putula ukumutu myapo ili ba Lesa bakapoka ukufumyamo umwe wakwe? ⁹ Kani ba Lesa bakomfwa ukulila kwakwe ili ukupenga kukesa pali ye? ¹⁰ Akabanekutemwa umwine enka mu uli Ne makosa onse nekwita pali bo Lesa impindi shonse? ¹¹ Ndinekumusa mbilisheni pamulandu wakuboko kwa ba Lesa. Nshika fi sa amalangulushi aaba makasa onse. ¹² Boneni, mwense mweba muli bwene ici mwe bene, nendo pano mwalabilila ififyonse ifitu mpile? ¹³ ici eco kumu pelako umuntu imbifi na ba Lesa ubupyani bwa kupensha ubo ubu apoka ukufuma kuli babo aba makosa onse. ¹⁴ Kani abana bakwe bafulo, icocili ca mpoko bakamufyalwa bakwe tabakaba nefyakulya ifingi. ¹⁵ Abo aba kashalapo bakashikwa ne cikuko, nabo muka mfwilwa taba kabolilapo. ¹⁶ Nangu umuntu imbifi alama silufele koti lukungu, nekutu ntu manika ifyakufwala koti libumba. ¹⁷ Asunga ifyakufwala, sombi abantu balungami bakesa muku fifwala, nebantu abatabakwete imilandu bakabana silife pakati kabo abene. ¹⁸ Alebaka iŋanda yakwe koti ni bwandafume, koti ninkunko malonda apanga. ¹⁹ Alalala mubulo panshi umubile sombi lakatwa lilila ku cite fyo akesula amenso akwe na fyonse fyaya. ²⁰ Umwenso ukamwikala koti menshi, amankapa akamupinta ukulali mubushiku. ²¹ Kabesha wakumutulesuba wamupinta aya, kabili asha, cmupyanga ukumufumya kumupunda wakwe. ²² Cali posa icine cenka pali ye kabili tacile kelepo aesha ukubutuka ukufuma mumaboko aciko. ²³ Chatota amapi aciko paliye mukumu cela, camutesha ukumu fumya pamunda apo ali.