¹ Pano Yobo kaasuka ne kulabila ati, ² ''Umfwisheni bwino ku mashiwi andi kabili uleshe cicebe kusangalala mulepela kuli nebo. ³ Mubike kuli nebo, kabili na nebo ndi nekulabila, panuma nalabila, mwebo munseke. ⁴ Koti ni nebo, kulishanya ukwaku muntu ? Nindo yekuti nteka nishishepo? ⁵ Lolesheni palinebo kabili mukankamuke, kabili mukupike ne kuboko kwenu patunwa twenu. ⁶ Ilinda nguluka pamulandu wamapensho andi, ndatinishiwa nekututuma kulalekesha umubili wandi. ⁷ Nindo abantu imbifi batwalilila ukwikala bafika napa kukota, kabili nekukula ukukulu mumakosa? ⁸ Bakamufyalwa babo ba bakula pa monabo mumenso yabo; nebano mfyalwa bakula pantanshi ya menso abo. ⁹ Amaŋanda abo acingililwa ukufuma kukutina, neli ninkoli yaba Lesa pali bo. ¹⁰ Iŋombe yabo ilafyala , taifelwapo ukucitefyo, impwishi yabo ilesa mukufyala kabili tailofyapo akana kaiko ukufyalwa takangakosa. ¹¹ Balatuma utunini twabo koti litanga kabili ne bana babo bala shana. ¹² Balemba kumalimba ne ne mesela nekusangalala ne kwimba kwa mutolilo ¹³ Balaposa inshiku shabo mukunonka kabili balaya celele ku sheoli. ¹⁴ Balabila kuli ba Lesa, Talamuke niko mufume kuli fwebo pakuti ta tule fwayapo ubwishibila ubuli bonse ubwanshila shenu. ¹⁵ Nga uwamakosa ninani, uyo fwebo tu ngambela? lise shuko Tungapoka kani fwebo twatembela kuli bo. ¹⁶ Bona, kanshi ukunonka kwabotakuli mumaboko abo abene? Nshikwetepo ifi ninga cita nekufunda kwa bantu imbifi. ¹⁷ Nimpindi shinga ishakuti inyali ya muntu imbifi ingashi mika, neli ati ukupenga kwabo kunge sa palibo? nilwisa ili cicitika ati ba Lesa babapelaika ukubombo mana kwabo mubukali bwabo? ¹⁸ Nilwisa ciba ati baba koti tuti twa fya ni kuntanshi ya kabesha neli koti fipumbu ifi kabesha umukulu anga pinta fiya. ¹⁹ Mwalabila ati,' Ba Lesa balamubikila ukubifya kwaumo pabana bakwe eba kesa mukulipila, mulekeni umwine alipile, ukweba ati eshibe ukubifya kwakwe. ²⁰ Lekeni amenso akwe abone ukonaulwa kwakwe umwine, mumuleke anwe ukukalipa kwa baline makosa. ²¹ Pano findo angasaka manina abapalupwa lwakwe panuma yakwe iliimpe ndwa ya myenshi yakwe yapululwako? ²² Kani uuli onse anga sambilisha ba Lesa imilangwe iliye alapingula nababo abali peulu? ²³ Umuntu umo alafwa mumakosa akwe aeswile, ilibali uwikele celele nemutende. ²⁴ Umubili wakwe uliswile umukaka, nebufyo nto bwa mumafupa akwebuli to ntwele. ²⁵ Umumbi umuntu alafwa mukusomenwa kwa mweo, umoyo uutakwenebwishibila bwa ciweme icili conse. ²⁶ Bala lala panshi abapalene mwiloba ne matila alaba bunganina bonsebabili. ²⁷ Boneni nebo naishiba amalangulushi enu, munshila umumulefwaila mo ukumbifishamo. ²⁸ Pakuti mulalabila ati, nikwisa pano ukuli ŋanda iya wana wa mfumu? Nikwisa ukuli icisasa ici umuntu imbifi yaleikalalamo. ²⁹ Kani tamungabepushapo abantu abendauka? Tawishibile po imilandu bangalabila, ³⁰ ukweba ati umuntu imbifi alisungilwa ukufuma pakasuba kakupenga, kabili ati atangililwa ukuya ukufuma pakasuba ka bukabi? ³¹ Ninani uunga mupela mulandu munshila yamuntu imbifi kumenso akwe? Ninani uunga muli pila pafintu ifi aacita? ³² kabili acili nekutwalwa kumanda, abantu bakaba nekutamba pacilende cakwe. ³³ Ifi bumbu nkulwa fya mumulolwa fikaba nemise kuli ye, abantu bonse bakakonka panuma yakwe, koti fintu baka ba abantu abakuti ubwingi kuntanshi yakwe. ³⁴ Nindo pano munga nsanga lasha mufita fili nemano, ili mumasuko enu tamulipo neli sombi ukubepa?