¹ Umupanshi wandi washilla nenshiku shandi shapita. ² Mucine ekobali abaku ncela pamo na nebo, ishiso lyandi lyalilingile impindi shonse ukubona ukubola muna kwabo. ³ Mpeni pano ukulayo, mube cakushininkisha candi pamo na mwebo mwe bene ninani, umbi uulipo uyo uukangofwa nebo. ⁴ Kuli mwebo weba Lesa , muli lamine imi tima yabo ukufuma kukumfwa, palififyo, tamukaba suntula peulu ukucilapali nebo. ⁵ Uyo uu shobaula ifibusa fyakwe pakuba ne cilambu, amenso abana bakwe akafilwa. ⁶ Sombi bali ndengele nebo ukuba lishi lyabantu ilya kupitila mo balanshipila mumenso andi. ⁷ Ishiso lyandi lyashibalala pakuti pakubombo mana, ifi lewa fyandi fyonse fyaonda koti finshingwa. ⁸ Abantu abalungeme bakapapa pali cici, umuntu uutakwete po umulandu akali bukulusha umwineukwima ukwalukila abantu abatabali nabu Lesa. ⁹ Umuntu uulungeme akaleli munshila yakwe; uyo uuli nemaboko aabwingino akakula ukukosa nekukoselako. ¹⁰ Sombi koti nimwebo mwense isene ku no bukumo , Nshikasangapo umuntu wamano pakati kenu. ¹¹ Ishiku shandi shapita; ukwanshikwa kwandi kwashima kabili fyo filiku fwaya kwa mutima wandi. ¹² Aba bantu ababakucela, balalula ubu shiku ukuba mukasuba, ukutuba ku lipalamine kumfinshi. ¹³ Kani iŋanda imolukoso ii nctekele ni sheoli, kabili nditandenye ubulobwandi mumfinshi, ¹⁴ kabili kani nalabila kucilindi ,'' Niwe tata, nakwitila, webo niwe mayo neli wenkashi. ¹⁵ nikwisa pano kungaba ulucetekelo lwandi? koti kutekela kwandi ninani anga kubona? ¹⁶ Kani ulucetekelo lungaya panshi pamo nanebo kumulyango washeoli ilitu kunkulukila ku lukungu.