¹ Kwaliko umuntu mupanga ya usi Neshina ilya uuni Yobe; kabili uwakubula ifilubo umo uwalutina ba Lesa ne kutalua kukubifya. ² Kwalipelwe kuli Ye abana abalalume basano nababili nebananshi batatu. ³ Kabili alikwete imyanda isano naibili aya mbalele imyanda atatu ingamela memyanda isano intugu ishakubomfya , ne myanda isano bakabalwe eli nebancito abengi ali muntu uucindami kuli babo baikele kumutulesuba. ⁴ Kuli babo abana kwalipelwe ukusangalala pa kufyalwa kwakwe, kwaliko ubushiku buno ubwakusangala muŋanda. balitile nenkashi shabo shitatu mukulya nekunwa bonse pamo. ⁵ Ubushiku bwakusangala bwafikile Yobo alibasendele nekasamanako kuli bo, eli abukile ulucelo nefyakutota mulicila umo naumo, eli alabile kubana bankwe ati,'' epali mulibembukile nekupotela balesa mumitima yenu,'' Yobo lyonse alukuficita ifi. ⁶ Eli kwaishile ubushiku ili umwana umwaume wakwa Lesa nekwimakana pakati pabo panuma Yawe. Satana neye kaboneka kuli bo. ⁷ Yawe alimwipwishe ,'' nipi wafuma? '' eli Satana ayasukile Yawe nekulabila kulibo,'' nali mukupita pesende ne kusendakapo.'' ⁸ Yawe atile kuli Satana ,'' Bona umusha wandi Yobo? Tapalipo neli umo pano insamba lyakasuba, uutambalele umutina kabili ali nekatina kuli ba Lesa.'' ⁹ Eli satana alyakile balesa nekulabila,'' sombi Yobo angamutina shani Lesa apalukuso? ¹⁰ Pakuti mwebo mulimucingilile ,neŋanda yakwe, napali fyonse ifikwatwa? nemicito yakuminwe yakwe mwalishukisha, nefitwa fyakwe mwalifisatulula mwinsonde lyonse. ¹¹ Sombi shitambike ukuboko nekukumya pali conse ico akwete, mukabone kani takatukanepo pa cinso cenu. ¹² Eli Lesa kabalabila kuli satana ,'' Bona , ndepele fyonse ifyo ukwete minwe yobo, ici fye wibikapo ukuboko pali conse.'' kabili satana alifuminepo nekuya pacinso ca ba Yawe. ¹³ Kwaliko ubushiku bumo, abana bakwe abaume , neba bakwe abanankashi kwaliko ukulya ne kunwa mwangashi muŋanda ya mukulu, ¹⁴ Kwalishile umusha kuli Yobo ne kulabila,'' iŋombe shalalume shalo kulima eli nabakafwalo balukulya lulamba. ¹⁵ Eli ba sheba baisakupita, shonse , neku shisenda newapusukapo , nineukoso ne waisa mukumwebeni.'' ¹⁶ Ili acili alukulabila , naumbi umusha kafika nekulabila ,'' umulilo ukutula ku ba Lesa ukufuma mwiulu nekoca impanga shenu shonse nebasha benu. sombi newapusuka po nine newaisa mukumwebeni. '' ¹⁷ Ili ulya acili kulabila,naumbi nao kafika nekulabila ,''ati abena kadi bapanga amabumba yatatu, nabasenda bakabalwe, benu bomine nebalalume kulupanga lwabo sombi newapusukapo nine newaisa mukuwebeni. ¹⁸ Nakabili acili alukulabila naumbi, nao kafika nekulabila,'' abana benu abalalume nebana benu abanankashi basa ukulya ne kunwa mwangashi muŋanda yamukulu wabo. ¹⁹ Eli kwaishile umwela uukulu makosa ukufuma mu matololo nekuwa pafifutu fine ifya ŋanda. nekuwila pabana benu nabo bonse balifwile sombi ne wapusukakapo ninebo newaisa muku mweba. ²⁰ Eli Yobo alimine, nekulepala tambatamba wakwe nekubeya kumutwe yakwe nekulosha icinso cakwe pa mushili nekutatika ukutembela ba Lesa. ²¹ Nekulabila ati,'' nebo nalishile ubwamba pakufuma munda muli bamayo, kabili nebo ifikabwelemo ubwamba niba Yawe bapele , kabili niba Yawe bapokolola nalibe ili cindenwe inshina lyaba Yawe. ²² Napali fyonse , Yobo talufwenyepo neli panini, kabili tabwenepo akulufyanya muli Lesa tabwenepo akufyanya muli Lesa pali fyonse ifya cicikile ifibipile pa ye.