¹ La mulugaluga vaiputumulia ea la vakarala ile la lotu.la luma la lotu ea pou. ² Ea la luma la lotu isa egite vaimagiria,tela mulugala viavo la obu la mata gaga,la poro,la ulalu tela uru oio tela ba ale egite teila la maroka. ³ Vaimuli tela vailua la mala la viavo egite teila,la varokala viavo sesele. ⁴ La Golia poro ge selu la avu ale mami tavivi,oio tela viavo vaikapopo mela Pilipi la vaiputumulia egite avu roboa me la Gol.Oilo tela Pilipi egite tau la kakabi la gol vaikapopo mela maroa la to te Aron,pala ea kusi la vo ilua egite kekesi la vaiputumulia oio vola. ⁵ Oata tela tau robo la Pilipi,la lulu la ensel ilua egira tau robo la mata la Pilipi.La ensel ilua egira pou te la ba alele,ea la moli igoe eau kamage igo la vakarala isasa ile la golu alele. ⁶ Vamuli egite raragi la golu ale,ioge tela logo tomi egite la mulugaluga goilo tela muluga la viavo tela luma la kale vea ge igo la igogolu te egiteu. ⁷ La mulugaluga isasa moli ge goilo tela vailuala viavo tela imamala isa moli tela leavala ,ea kamage oilo bubulau moli.Ea ge abila kasoso soilo ge igo la vabila tela vaimaramara eia me vaikapopo me gite la valalua metavivile ale igo la iruru. ⁸ La kalulu ea vea gato mae,la imamala la mumugala luma la lotu soku pou,la gauru gatou soilo tela luma ale maroka,ea kama sibitala matagaga. ⁹ Ea mae la rovi lala te gatou vea la golu ge sibitala tela imamala igoe.Egite la vabila soio te God ea kamage vaimata la tia gite la,valua la lotu egite ge rovia vea egite ruru ka ouka. ¹⁰ Egite la vaiputumulia ale vakara ile la kolu isari ile la ilali la iliu la tavulovulo isari veage vaimaroka la valua metavivile, egite vea la golu tela vovo moli,ea abia gite la vaiputumulia soio te gite la valua metavivile veage tilimulia kara tela imamala ale ea ge vaimatata la golu tomi. ¹¹ Krais guviti ea pou la mulugaluga tela golugolu tomi ale sibita.Ea goilo tela kale ale tartigi ea muga lou la kale ale pala,la talo kama tegia mela lima la ,la vula,ea kama la golu tela magasa. ¹² Kama la kasoso la me ka la bulmakau moli la kasosola tai ea goilo tela luma la lotu vakasa moli,ea lotu rivu etatou tomi. ¹³ Mae egite la valua metavivile egite ruru tela mata le (God la uru,ioge egite lai Pris)mulugaluga ge abi la kasoso la me la bulmakau la Pupuso la bulmakau ge tigi taroa oata te giteu, igoa mae vea egite ge sibitala alaba, ¹⁴ Ea la moli la kasoso le Iesu ea muga vola,ea la iruru ouka ea la moli la vagari kalulu maroka ea abi la maulia soio te God lau ru mae la vabila,la kasoso la kama vaimaroka etatou,ouka,ea vaimaroka tomi la iruru te gatou etatou maramara tela mata le God uru. ¹⁵ Tela vula moli e Iesu magiri sekela tela vaiputumulia ale alaba,tela pileo tela,ea abi lele la iruru tegite la valua metavivile ale pou lotulu tela mulugala tela vaiputumulia ea tola egite la valua metavivile ge abi la vaiputumulia tela mauli sosoula. ¹⁶ La vaiputumulia ea mae la masagala te talo isasa ea kekesia galaulau ea veia mae eau ge peo e latugu ge abi la golugolu tetala,mamuga ela tula ge sautola la golu tetala,egite la valu ge rovi seselea vea etamala peo ea abi tomi ala ¹⁷ I larova,la masagala tela talo vea ge igo la vaiputumulia ea ge sibitala sesele tela pilea, mae la talo ea masaga ge igo la vaiputumulia ale ea kama vagari. ¹⁸ Ioge la mumugala la vaiputumulia ea sautola la vagagarila tetala tela imamala ale egite igo la vabita tela kasoso la ulutu (abus). ¹⁹ La imamala e Moses abia gite la vakarala tela vaiputumulia soio te gite la valua metavivile, ea abi la kasoso la bulmakau ale baisi,vaikapopo me la mee,la lalu,la mota ale,mememe la gras,hisop,ea pigi kapisi la kasoso soio tela galaulau buk soio te gite lava lua metavivile. ²⁰ Ea veia,"ale la kasoso la vaiputumulia te God uru ea igoa vea etatou ge tilimuli. " ²¹ Tela tavulovulo isa moli,ea pigi kapisi loata tela kale (hausel)egite tomi la golugolu oilo tela luma la lotu. ²² Tela tavulovulo, la kasoso moli ea vai sibitala la golugolu tomi sibitala alaba .Mae la kasoso kamage pagegele tela vabila,e God uru kamage abi lele la iruru tela valalua metavivile. ²³ Egite la golu tela kale (hausel)ea la lulu la golugolu moli oata la ilo lalage .Egite abi moli la kasoso la ulutu(abus)egite igo molia veage sibitala alaba tela mata le God la uru,ea la moli la golu ale oata la ilo laiage egite alaba,la vabila isasa ea isa polo ea muga tela vabila ale pala tela ulutu (abus). ²⁴ Iesu kama goilo tela bigomu, ale maroka la lima la talo igoa.Ale la lulu la luma la lotu oata la ilo lalage (buk)Iesu goata la ilo lalage ea magiri tela mata le God uru ge sibitala mae la talo isa moli tegatou . ²⁵ Tela leavala tomi egite la mulugaluga ababila la kasoso ge igo la vabila ea goilo tela bigomu ale maroka (rum holi)la kasoso ale ea abia kama tetala ea la moli Iesu kama igoa mae le ,ea goata la ilo la lalage ea sugutara mae la vabila soio te God uru ea kama igoa vakausu. ²⁶ Mae ea ge igoa vakausu,ea ge abi la iligi vakausu tela imamala ale God uru ea vaipou pa masa kara igoe.Ea la mola la imamala ea pou ti vea Iesu ge gotalo tela maututula vakasa moli,ea ge igo la vabila soio te 'God' uru ge abi lele la iruru. ²⁷ Etatou tomi ge peo vakasa moli vamuli etatou ge magiri tela kilisi. ²⁸ Mae moli Iesu sugu taro eia mae la vabila soio te 'God'uru ge abi lele la iruru te gite la valua metavivile, vamuli ea ge gomai la vailuala,ea kama ge abi lele la iruru ,ouka,ea goma ge abi la valua metavivile ale pou talia.