¹ Ioge,la vula vakarala ale etatou igoa,ea mae,etatou sautola isa la mulugaluga ale tartigi oiele ea pou tela lima la egata tela puloulou la mulugaluga oata la ilo lalage. ² Ea igo la igogolu la mulugaluga lolo tela huma ale maroka, ea ere sesele la talo kama vaimagiria,ouka,la uru sesele vaimagiria. ³ Egite tomi la mulugaluga egite tomi sautola la rovilala tela vari la vabila. tealele ea tartigi tela vabila. ⁴ Mae Karisito ge pou la magasa,ea kama ge la mulugaluga,la vula,la mulugaluga ea pou ti ere igo la vabila mae la vaiputumulia veia. ⁵ Egite sautola la igogolu la mulugaluga otalo la magasa,ea mae moli la rovi lala moli God tela luma la lotu oata la ilo lalage,mae moli God vea le Moses:la imamala ale eme igo tomi la kale,eme vaibomuli tilimuli tomi la rova ale eau vailo eme oata la gove. ⁶ Ea la moli igoe Karisito ea abiti la igogolu la mulugaluga ea isa polo tegite la mulugaluga tomi ea magiri kabili mae la talo vea ge vaivagari la vaiputumulia ale alaba ea magiri oata tela vaiputumulia ale tartigi. ⁷ Mae la mulugaluga vaiputumulia ea tartigi sesele, igoe la vaiputumulia isa ouka ti. ⁸ Ea la moli God tukuru la iruru tegite la valua metavivile ea vei mae,la uru ea vei tia,"loloa,eau ilevitia la imamala isasa eau ge igo la vaiputumulia ale alaba te gite Israel me Ludaia. ⁹ La vaiputumulia ea kama mae ale eau igoa vaikapopo e tutubu mutou tela imamala ale eau sautola la ima giteu puli lele egiteu oio Aigipto.Egite kama tilimuli la vaiputumulia taku,mae moli eau la uru eau poke taro egiteu. ¹⁰ Ea la moli la vaiputumulia ale alaba eau vea ge igoa vaikapopo me la valua metavivile Israel ea mae ,la uru ea vei mae eau ge tau tomi la vaiputumulia taku tela gabutatala taku te giteu eau ge kekesia oilo tela tia giteu,eauge pou e God tegite ge la valua metavivile taku. ¹¹ E giteu la valua metavivile kamage vaimari egite tabara giteu ge vea mae gite mae,amutou ge rovi la uru,"egite tomi ge rovi eau mae gite la valua bubu lau moli ka egite ale taola lai isaisa. ¹² La vula,eau ge gogo egiteu tela tavulovolo la iruru te giteu eau ge vaimaramara egiteu eau kama ti ge kabutala loua." ¹³ Tela vakarala, "la vaiputumulia ale alaba"ea igo la mulugaluga vaiputumulia ea maumuti, la golu ale sibitala maumuti ea ge kaluvu,ea ge agavi ge kokovu.