¹ Melkisedek ea King te Salem ea la mulugaluge te God oata sesele, ere tukuru Abraham tela imamala ale ea vaikue ea bili egite King ea beu rivua soio tela mautu ea tukuru tela gauru ea vaibalavea. ² Loio moli tela la Abraham igo la vabila tela golugolu ale ea sautola. La isa le Melkisedek la masovala ea mae,"King tela tavulovolo ale tartigi ,"la isasa isasa,ea King te Salem la masovala mae,"King la tia makovula ." ³ E tamala ouka e tila la ouka e tubula ouka ,la logo la piligo tela la ouka la logo la pileo tela tai ouka,ea pou mae ela tule God me la mulugaluga tela mauli sosoula. ⁴ Amuto ge rovia vea la isala ea auru,e tubu gotou Abraham ea vaikue ea abi la golugolu ea ilevia la savulua ea abi gite ale vaikue. ⁵ Egite latatu le gite Livai egite ale la mulugaluga egite vei mae,egite isari tau egite tabari tai la savulu la egite ge kabutala e latutu le Abraham e tabara giteu. ⁶ Melkisedek ea kama sibitala tela maratatila te Livai,ea la moli ea abi la savulula vabila te Abraham ea sibitala la vaibalavala tela vai putumulila. ⁷ Ea sesele maele,la talo abi la vaibalavala ea la talo auru la talo abi la vaibalavala te tala,ea lotalo tetala. ⁸ Ere maiteu lotalo tela pieo egite abi la savulula tela vabila,ea la moli ea mata mae egite ge mauli. ⁹ Etatou ge veia mae,Livai ere abi la savulula vabila tetala ,soio te Melkisedek lotalo te Abraham, ¹⁰ la vula larova, Livai tai vaika popo me tutubula,tela imamala Melkisedek ea tukuru Abraham. ¹¹ Pala egite la valua metavivile Israel egite abi la vaiputumulia,la vaiputumulia ea vei mae,egite ge igogolu la mulugaluga,mae la igogolu te gite Livai. ea suli la valua metavivile ea tartigi, tela rovi e God vea la mulugaluga isa ge sibitala vamuli, ea ge mae moli Melkisedek ,ea kama ge mae Aron? ¹² La imamala egite la mulugaluga ge vaikoli,igo ge la vaiputumulia tai ge vuvulo. ¹³ La talo ale God vakara ila vea ge la mulugaluga, ea tela maratatila isa polo,ea kama igogolu oio tela poro. ¹⁴ E tatou rovia,la uru te gatou ea sibitala la tela maratatila Ludia,Moses kama igo la vakarala isasa ile gite ale vea ge sibitala mae la mulugaluga. ¹⁵ La rova ale e mite veia ea matagaga moli mae isasa la mulugaluga sibilata me Melkisedek. ¹⁶ Ea kama oata tela vaiputumulia tela magasa vea ge sibitala la mulugaluga, ea la moli sibitala tela vagagar la muli sosoula. ¹⁷ Ea la moli la vakarala tetala ea sibitala vagari ile la eme sibitala mae la mulugaluga mae Melkisedek." ¹⁸ La vaiputumulia ale pala egite kama tau lelea,la vula,la vaiputumulia ea la vagari la ouka ea kama koramuli ge suli etatou, ¹⁹ La vaiputumulia ea kama igo tigi isa la golu ea ge sibitala tigi,ea kope ti la kauru isa ale tartigi ea isa polo tela vaiputumulia, etatou ge suku agavi soio te God. ²⁰ Ea kamage igo isa la vaiputumulia !Ouka,egite ale sibitala mae la mulugaluga egite kama igo isa la vaiputumulia, ²¹ ea la moli God oto vakara oata Iesu sibitala mae la mulugaluga, la galaulau 5e God ea veia mae,la uru ea aba ti soata:eme ge pou la mulugaluga la kaluvula ge ouka,ea kama ge vulo la vakarala tetala. ²² Mae la vu matala ale Iesu igoa,ea tartigi ea isa polo mae ale pala. ²³ Pala egite ausu sibitala la mulugaluga,la vula egiteu peo egite kamage pou la mulugaluga lou. ²⁴ Ea la moli Iesu ge pou la ta pasila ge ouka,ea sautola mulugaluga tela logo tomi la kilolila ouka. ²⁵ Mae tela logo tomi ea koramuli vea abi rivu la valua metavivile agavi soio te God tela isala ,la vula ,ea pou tela logo logo tomi la vula ea kakaka ile giteu, la talo la mulugaluga alele koramuli ge sui tatou. ²⁶ La mulugaluga ale,mae ea koramuli ge suli etatou, ea la iruru ouka ea maroka,ea taua oata sesele, malau taro la valua la iruru . ²⁷ Ea kamage igo la vabila tela logo tomi mamuga ea ge abi lele la iruru tetala ,vamuli ea ge abi lele la iruru te gite la valua metavivile mae moli egite la mulugaluga ale pala igoa. Ouka,ea igo la vabila isa moli ea sugu taro la maulia tetala. ²⁸ La vaiputumulia ea ilevi egite ale pa vagagari gite ouka.ge sibitala mae la mulugaluga, ea la moli la vakarala ale sesele ea la moli ea sibitala la vamuli tela ilevia ale ea ilevi e la tula,ea la talo sesele ea la mapala vea ge suli egite la valua ea ge pou tela logo logo tomi.