¹ Tartigi, umala vea etatou ge vakaravakara moli tela vakarala te karisito mae moli pala etatou abitia,etatou ge abia la vaimari loio te gite ale auru ti.Umala vea etatou ge igo la toto robo la te la ilo mamisila,ta utau la ilo te God poke taro la tavulovolo ale la maulila ouka, ² vai vagari la vakarala ile la tavolo vulo la vulu me la tal vuluvulu ile la tilau la lima oata tela gama la talo vea ge vakarakara ile gite ale peo ti vea egite ge iliti rivu ge magiri tela imamala tela vai putumulila. ³ Ioge tatou ge igoa mae ae God ea ge momoge ile tatou. ⁴ Ea vagari sesele te gite ale tautau la ilo la valua metavivile ere abi ti la matagaga te God me gite tovo lalai ti la vabila tela kalulu, ⁵ Egite tovo lala iti la vakarala te God la vagagari le God ea ge sibitala matagaga vamuli, ⁶ ea la moli egite boru tela tautau lailo,la gauru ouka vea egite ge beu rivua ge ilomamisi lou.La vula,ea mae egite kisi e latu le God tela tau valautu egite igo maelea te la mata gite la valua metavivile. ⁷ La ura ea pu la magasa ea abi lalalu, la magasa alele ea vaisibitala lailai ale tartigi. Vea la valua metavivile vea ge galu la mauma. la magasa ale abi la vaibalavala te God. ⁸ Ea la moli la magasa ale la mota ale komakokora,ea kama tartigi ea ge peo.vamuli ea ge karere ea ae kokovu. ⁹ Amuta e tabara,emite vakara vagari soio ta mutou ere poke taroa, eau rovia amuto igo la golu ale tartigi ea ve pala vea ea abi rivu amuto. ¹⁰ La vula,God kama la talo ale komakokora vea ge poke taro la igogolu ale eme igoa tela isala,la vula,eme rovia eme igo tigi egite ale tautau la ilo la valua metavivile eme suli lou egite vea ge igo lou la tavololulu alele. ¹¹ E mite masaga seselea vea isasa ta muto ge igogolu vagari mae moli ge sautola la tautau ilo ta mutou putali la imamala ale ge sibitala vea ge igo tigi etatou. ¹² A muto umala ge vovobare,amuto ge mae isari ale tautau la ilo la valua metavivile sautola vagari la tautau la ilo,egite sautola la tia makovula la vai putumulila tetala. ¹³ La imamala ale God vu mata te Abraham, ea Aba la isala oata,la vula,la isa isasa lou ouka ti lou. ¹⁴ Ea veia,"eau ge vaibalavaeme eau ge vaibalava egite tutu bumu ge ausu." ¹⁵ Tela gauru moli alele,Abraham abi la golugolu alele ea vea ge abi ala vamuli ea sautola lou la gabu tatala. ¹⁶ Egite la valua rovi sesele la vakarala oata tela talo isa moli ere auru sesele. tela ta pasila vaimata kabili te girua,egite rovia egite Aba sesele soata vea ge vai vagari la vakarala. ¹⁷ La imamala God vu mata vea ge igo la vai putumulila vea ge vaimata gaga egite la valalua tela vai putumulila tetala, ea kama vuloa,mae moli ea aba soata vea ge vai vagari vakarala telala. ¹⁸ Ea igo la golu ale,vea la golu ilua kama ge vuvulo, ea la vaiputu mulila te God ea tau la vaiputumulia,mae tato la valua metavivile ale ele kokovu, tato ge kabutala la vaiputumulia, tato ge pou talia vea ea ge abia gatou. ¹⁹ La vaiputumulia ale ea tartigi ea vagari mae balua,anga tela maulila te gatou.E balua ale ea oilo sesele tela tia gatou ea isa polo sesele, vamuli tela mala ale egite tukulia tela la kilaka. ²⁰ Iesu muga etatou soilo tela luma,ge suli etatou,la vula ea sibitala mae la mulugaluga ea ge la mauli sosoula vamuli tela igogolu te Melkisedek.