¹ Pala sesele God veale tutubu gatou tela are giteu ia talo la valolo gauru ausu. ² Ea la moli tela tapai la logo, ea vea gatou tela are ie latula;ale ea ilevi tia vea geabi tomi la golu tetala:oio moli tetala;e God vai sibitala tomi la golugolu tomi otalo la magasa. ³ Ea e latula lamale ea vei pala la mata gaga tela God,eia mae moli e God.Ea sautola tomi la golugolu tomi tela vakarala tetala;vamuli ea vaikaluvu la igo golu tela iruru;vamuli ea pou tela lima la egata e King oata sesele. ⁴ Ea abi la isa isa ale tartigi sesele ea loata te giteu la ensel. ⁵ Loio te giteu la ensel ale God ea veia;"Eme e latugu, igoe eau e tamamu"?loio te giteu la ensel e God veia, "Eauge e talama ea ge ela tugu tamale "? ⁶ Mae vamuli, te la imamala ale God ba la mulugale la tula sotala la magasa ea veia,"Egite tomi la ensel te God ge lotu tavua. " ⁷ Ea igo la vakarala ale soio te gite la ensel mae, ea moli vaipou egite ensel tetala e gite sibitala mae la kalulu egite la valua la igogolu tela mae la tivura la vai." ⁸ " Ea igo la vakarala soio tela tula tamale mae" la pulou lou te King ea taume, God ea mauli sosou;la mautu la mauli sosou la taume ea volu ile la tavulovulo ale tartigi. ⁹ Eme masaga moli la tavulovulo ale tartigi eme kama masaga la iruru.Mae God ea God taume ea tigi taro la lalu taume ea isa poio la momoge la tegite tabaraonu." ¹⁰ " La uru,pala sesele eme igoa la golugolu tomi ea pou oata la masaga;la ilolalage ea sibita tela limam. ¹¹ Egite ge kaluvu,ea la moli ale ge pou;egite ge koma kokora mae la mala ale mumuguti ea masile. ¹² Eme ge pipi egiteu ge vuvuloma e la mala, ea la moli eme pou mole mae eme koma ge kaluvu. " ¹³ Ea la moli tela imamala isasa God vea giteu la ensel,"Emege pou tela limagu ekata vamuli, eau ge tau egite la gima taume lotalo tela vamu"? ¹⁴ Kama egite tomi la ensel igo la igogolu ela moli are ge suli egite la valua metavivile vea ge abi rivu egiteu?