¹ Mu mazuba ayo, kwakaboola alimwi imbungano inkando, alimwi bakabula icakuti balye. Jesu wakaita bahyikwiiya bakwe akubaambila kuti balo, ² ''Ndabaa aluse ku mbungano iyi yabantu nkaambo bala zumanana kuba aa ndime ono aba kale mazuba otatwe alimwi kabatalide. ³ Kuti naa ndabatanda kuti baunke baye kwabo inga kabaya kunetuka munzhyila. Bamwi babo aawa bahvwa muhyinzo mulanhwu.'' ⁴ Bahyikwiiya bakwe bakamuhvwiila walo, ''Nkukuli nkotunga twayana cinkwa cinji omuno mulukula icikonzhya kukkuhya kulya bantu aaba?'' ⁵ Jesu wakababuzhya kuti, ''Mukwete ma loohwu aacinkwa ongaye mwebo?'' Bakaamba kuti, ''Ciloba.'' ⁶ Wakalailila imbungano kuti bakkale anhyi. Walo wakabweza maloohwu aacinkwa aali ciloba, wapa kulumba, alimwi aku zhyikomoona zhyalo. Wabapa bahyikwiiya kuti babasombe balo, alimwi bakazhyibika kumbele ilya imbungano. ⁷ Alimwi bakali kukwete atuswi tuhyoonto, alimwi nakamana kutu pela kulumba twalo, wakalailila bahyikwiiya bakwe kuti batwaapaule kubasomba atwalo umbona. ⁸ Bakalya alimwi bakakkuta, a kubwezelela toonse tulokaloka utwakahyaala, kuzuzhya mintaanga mikando iili ciloba. ⁹ Aba bantu bakali kuhika ku zhyuulu zhyone. ¹⁰ Kumane waka baleka baunka. Ndilyona wakanjila mu bwato aba hyikwiiya bakwe, a kuya kubusena ubwa cooko ca Dalmanutha. ¹¹ Mpoona bama Pharisee bakaboola bahvwa alimwi akukanka kukazhyanya anguwe. Balo bakali kuyanda citondezhyo icihvwa kwi zeulu, kuti bamusunke walo. ¹² Wakali nhyinhyimukila maningi mu moza wakwe alimwi akwaamba kuti, ''Nkaambo nzhyi uyu musela ncoukapaula citondezhyo? Mahyimpe mebo ndamwaambila mwebo, kuti kunyina citondezhyo iciti pewe ku musela uyu pe.'' ¹³ Kumane wakabahyiya balo, wankanjila mu bwato alimwi, a kuunka kulubahvwu lumbi. ¹⁴ Ono bahyikwiiya bakali kulubile kubwezelezhya cinkwa. Bakakwete buyo iloohwu lomwi lya cinkwa mu bwato. ¹⁵ Walo wakabalailila bahyikwiiya bakwe, wakaamba, ''Kamu pakamana alimwi a kulili nda a maseba ku bumena ubwa bama Pharisee alimwi a bumena bwaka Herod.'' ¹⁶ Ba hyikwiiya bakwe baka bandihyanya muli cabo umwi aumwi, ''Nkokuti nkaambo kakuti tunyina cinkwa.'' ¹⁷ Walo Jesu wakali kucibwene ici, alimwi wakaamba kuli mbabo, ''Nkaambo nzhyi ncomubandika izhya kubula cinkwa? Hena tamu bonenhyenhyi? Hena tamu teelelehyi? Hena myoyo yenu yabula maanu akunhvwihya nzhyi ng'amba? ¹⁸ Mwebo mulikwete meso, hena tamuboni? Mulikwete matwi, hena tamuhvwi? Hena tamwiibaluki? ¹⁹ Lilya nindaka kakomauna maloohu aa cinkwa osanwe kukusanina bantu abali zhyuulu zhyosanwe, alimwi zhyinzuma zhyongaye izhyizwile tulokaloka twa cinkwa nzhyo mwaka bwezelela?'' Bakaamba kuli nguwe,''ikumi azhyobile.'' ²⁰ Lilya nindaka komauna ma loohu acinkwa kusanina bantu abali zhyuulu zhyone, hena zhyinzuma izhyi zwile zhyongaye izhya tulokaloka anhyi nzhyo mwaka bwezelela?'' bakaamba kuli nguwe, ''Ciloba.'' ²¹ Walo wakaamba, ''Hena awono tamuna kuteelela?'' ²² Bakaza kuhyika ku Bethsaida. Bantu bakokulya bakamuletela mulombwana moohwu alimwi akumu kombelezhya walo Jesu kuti amukume. ²³ Jesu wakakwatilila muntu uyo uutaboni kwitanhyi lakwe, aku mutola ansengwe ilya munzhyi. Walo naakama kuswila mate aakwe kumeso ilya moohwu alimwi akumubika matanhyi aakwe uyo muntu, wakamubuzhya walo, ''Hena kuli ncintu ncoobona?'' ²⁴ Moohwu wakalungumika mutwi mwizeulu kulanga, a kwaamba kuti, ''Ndabona bantu abalibonya mbuli zhyisamu zhyeenda.'' ²⁵ Kumane walo Jesu alimwi wakabika matanhyi aakwe ameso lya moohwu, alimwi uyo mulombwana wakajula meso aakwe kulanga, wakakanka kubona alimwi, a kubona zhyintu zhyoonse kabotu kabotu. ²⁶ Jesu wakamutanda kuti aye ukwakwe aku mwaambila, ''Utaunki kunjila mumunzhyi.'' ²⁷ Jesu wakahvwa uko ansengwe abahyikwiiya bakwe kuya muminzhyi iya Caesarea Philippi. Munzhyila kabeenda waka buzhya bahyikwiiya bakwe, ''Ino mebo bantu baamba kuti ndime ni? ²⁸ Balo baka muhvwiila a kwaamba kuti, ''John mubbizhyi. Bamwi baamba kuti, 'Elijah,' alimwi bamwi balaamba kuti, 'Umwi uwa banhyinhyimi.''' ²⁹ Wakababuzhya kuti balo, ''Pele mwebo ino mung'amba kuti ndime ni? Peter wakaamba kuli nguwe, Webo nde ndiwe Klisto.'' ³⁰ Jesu waka bacenjezhya balo kuti batabi nobaambila naba omwi kukwatikizhya nguwe. ³¹ Wakakanka balo kubayiihya kuti Mwana aa Muntu weelele kupenga zhyintu zhyinji, alimwi akukakwa abakando alimwi abapaizhyi bakando a balembi ba mulawo, alimwi akuti ula kayayiwa, alimwi kwakwiinda mazuba otatwe ulakabuka. ³² Walo wakaabandika makani aaya icakwa hyindinganya. Kumane Peter waka mukwelela amabali a kukanka kumukalalila a kaambo kamakani nga kaamba. ³³ Pele Jesu waka cebuka a kulanga kuli ba hyikwiiya bakwe alimwi kumane wakamu kalalila Peter a kwaamba kuti, ''Kweza kunze kwangu, Satan! Tobiki miyeeyo iyako kuzhyintu zhyaka Leza, pele ulabika miyeeyo kuzhyintu zhya bantu.'' ³⁴ Mpoona wakaita imbungano yabantu alimwi a bahyikwiiya bakwe antoomwe, alimwi wakabaambila kuti balo, ''Kuti kakuli umwi uuyanda kuntobela mebo, weelele kulikwata kuliimya ulwakwe mwini, abweze ci ciingano cakwe, a kuntobela. ³⁵ Nkaambo kuhumbwa uuyanda kuhwutula buumi ubwakwe ulaka busweekelwa, alimwi kuhwumbwa muntu uusweekelwa buumi ubwakwe a kaambo kangu alimwi a kaambo ka mulumbe ulaka buhwutula buumi ubo. ³⁶ Ino inga camugwahya impundu nzhyi muntu kuti wahvwuba inyika yoonse alimwi kumane wasweekelwa buumi bwakwe? ³⁷ Ino inga muntu wapa nzhyi kunununzhya buumi bwakwe? ³⁸ Kuhwumbwa muntu uunduusa insoni alimwi amazwi aangu mumusela uyu wa mamambe alimwi uuzulile zhyibyaabyi, awalo Mwana aa Muntu ulakamuusa insoni wakuboola mubelemu bwaka Wihyi kali aabangele abasalala.''