¹ हे हमार लोगन, हमार शिक्षा सुना, हमरे वचन के तरफ कान लगावा! ² हम अपन मुँह नीतिवचन कह बदे खोलब; हम प्राचीन काल क गुप्त बातन के कहब, ³ जवन बात के हमने सुनली अऊर जान लिहली अऊर हमने क बाप दादा हमने से से वर्णन कईले हयन । ⁴ ओके हमने ओनके संतान से गुप्त न रखब, लेकिन होनहार पीढ़ी के लोगन से, यहोवा क गुणानुवाद अऊर ओनकर सामर्थ अऊर आश्चर्य कर्मन क वर्णन करब। ⁵ ओन त याकूब में एक चितौनी ठहरईलन अऊर इस्राएल में एक व्यवस्था चलईलन जेकरे विषय में ओन हमने के पितरन के आज्ञा देहलन, कि तु एके अपने-अपने बाल-बच्चन के बतायअ; ⁶ कि आवअवाला पीढ़ी क लोग, मतलब जवन बच्चा पैदा होव वाला हयन, ऊ लोग ई जानअ; अऊर अपने-अपने बाल-बच्चन से एकर बखान कर मे उद्यत होंवअ। ⁷ जेसे ऊ परमेश्वर क भरोखा रखंअ, अऊर परमेश्वर क बड़ा कामन के भूल न जाय, लेकिन ओनकर आज्ञा क पालन करत रहअ; ⁸ अऊर अपन पितरन के जईसन न हो, काहेकि ऊ पीढ़ी क लोग त हठीला अऊर झगड़ालू रहलन, अऊर ऊ लोग आपन मन स्थिर ना कईले रहलन, अऊर न ओनकर आत्मा परमेश्वर क ओरी सच्चा रहल। ⁹ एप्रैमियन त शस्त्रधारी अऊर धनुर्धारी होवअ पे भी, युद्ध के समय पीठ दिखा दिहलन। ¹⁰ ऊ लोग परमेश्वर क वाचा पूरा नाही कईलन, अऊर ओनकरे व्यवस्था पे चल से इनकार कईलन। ¹¹ ऊ लोग ओनके बड़ा कामन के अऊर जवन आश्चर्यकर्म ऊ ओनके सामने कईले रहलन, ओके भुला दिहलन। ¹² ऊ त ओनके बाप दादन के लगे मिस्त्र देश के सोअन क मैदान मे अद्भुत कर्म कइले रहलन। ¹³ ओन समुन्दर के दू भाग करके ऊ लोग के पार करा दिहलन, अऊर पानी के ढेर के तरे खड़ा कर देहलन। ¹⁴ ओन दिन के बादल के खम्भा से अऊर रात भर आग के उजाला के जरिए ओनकर अनुवाई कईलन। ¹⁵ ओन जंगल में पहाड़न के फाड़के, ऊ सब के माना गहिरा जलाशयन से मनमाना पिलावत रहलन। ¹⁶ ओन पहाड़न से भी की धारा निकललन अऊर नदियन क स पानी बहईलन। ¹⁷ तभो ऊ लोग ओनके विरुद्ध ज्यादा पाप करत गईलन, अऊर निर्जल देश में परमप्रधान के विरुद्ध उठत रहलन। ¹⁸ अऊर अपने चाह क अनुसार भोजन माँग के मन ही मन परमेश्वर क परीक्षा कईलन । ¹⁹ ऊ लोग परमेश्वर क विरुद्ध बोललन, अऊर कहअ लगलन, "का परमेश्वर जंगल में मेज लगा सकअलन? ²⁰ ओन चट्टान पे मारके जल बहा त देहलन, अऊर धारा उमण्ड चलल, लेकिन का ओन रोटी भी दे सकअलन? का ओन अपने प्रजा बदे माँस भी तईयार कर सकलन?" ²¹ यहोवा सुन के क्रोध से भर गईलन, तब याकूब के विरुद्ध ओनकर आग भड़क उठल,अऊर इस्राएल के विरुद्ध क्रोध भड़कल; ²² ए बदे कि ऊ लोग परमेश्वर पे विश्वास नाही रखले रहलन, न ओनकरे उद्धार करअ के शक्ति पे भरोसा कईलन। ²³ तभो ओन आकाश के आज्ञा देहलन अऊर सरग क दरवाजन के खोललन; ²⁴ अऊर ऊ सब बदे खाए के मन्ना बरसईलन, अऊर ऊ लोग के सरग क अन्न दिहलन। ²⁵ मनुष्यन के स्वर्गदूतन क रोटी मिलल; ओन ऊ सब के मनमाना खाना देहलन। ²⁶ ऊ आकाश में पुरवाई के चलईलन, अऊर अपने शक्ति से दक्खिनी बहईलन। ²⁷ अऊर ऊ सब बदे माँस धूल के जइसन बरसईलन, अऊर समुन्दर के बालू के जईसन अनगिनत पक्षी भेजलन; ²⁸ अऊर ऊ सब के छावनी के बीच में, ओनके निवासन के चारो तरफ गिरईलन। ²⁹ अऊर ऊ लोग खाके अति तृप्त भईलन, अऊर ओन ऊ सब क कामना पूरा कईलन। ³⁰ ऊ सब क कामना बनल ही रहल, ऊ सब क भोजन ऊ सब के मुँह मे ही रहल। ³¹ कि परमेश्वर क क्रोध ऊ सब पे भड़कल, अ ऊर ओन ऊ सब के हष्टपुष्टन के घात कईलन अऊर इस्राएल क जवानन के गिरा देहलन। ³² एतना पे भी ऊ लोग अऊर ज्यादा पाप करत गईलन; अऊर परमेश्वर क आश्चर्य कर्मन पे विश्वास ना कईलन। ³³ तब ओन ऊ सब के दिनन के बेकार मेहनत में अऊर ऊ सब के सालन के घबराहट मे कटवईलन। ³⁴ जब ओन ऊ सब के घात कर लगलन, तब ऊ लोग ओनके पूछत रहलन; अऊर फिरके परमेश्वर के यत्न से खोजत रहलन। ³⁵ ऊ सब के याद आवत रहल कि परमेश्वर हमने क चट्टान हयन, अऊर परम प्रधान परमेश्वर हमार छोड़ाव वाला हयन। ³⁶ तभो ऊ लोग ओनकर चापलूसी कईलन; ऊ लोग ओनसे झूठ बोललन। ³⁷ काहेकि ओनकर दिल ओनके तरफ दृढ़ ना रहल; न ऊ सब ओनकरे वाचा के विषय मे सच्चा रहलन। ³⁸ लेकिन ऊ जे दयालु हयन, ओन अधर्म के ढाँपअलन, अऊर नाश नाही करअलन; ओन बार-बार अपने गुस्सा के ठण्डा करअलन अऊर अपने जलजलाहट के पूरा तरीका से भड़कअ नाही देलन। ³⁹ ओनके याद भयल कि ई सब नाशवान हयन, ई हवा के जईसन हयन जवन चल जाला अऊर लऊट के नाही आवअला। ⁴⁰ ऊ लोग केतना ही बार जंगल में ओनसे बलवा कईलन, अऊर निर्जल देश मे ओनके उदास कईलन! ⁴¹ ऊ लोग बार-बार परमेश्वर क परीक्षा करत रहलन, अऊर इस्राएल क पवित्र के खेदित करत रहलन। ⁴² ऊ लोग न त ओनकर भुजबल याद कईलन, न ऊ दिन जब ओन ऊ सब के दुश्मन के वश से छुड़ईले रहलन; ⁴³ कि ओन कइसे अपन चिन्ह मिस्र में, अऊर आपन चमत्कार सोअन के मैदान में कईले रहलन। ⁴⁴ ओन त मिस्रियन क नदियन के खून बना डललन, अऊर ऊ लोग अपने नदियन क पानी पी ना सकलन। ⁴⁵ ऊ ओनके बीचे मे डाँस भेजलन जवन ऊ लोग के काट खईलेस, अऊर मेंढक भी भेजलन, जवन ऊ सब क बिगाड़ कईलेस। ⁴⁶ ओन ऊ सब के जमीनी क उपज कीड़न के, अऊर ऊ सब के खेतीबारी के टिड्डियन के खिला दिहले रहलन। ⁴⁷ ओन ऊ सब के दाखलता के ओला से अऊर ऊ सब के गूलर के पेड़न के ओला बरसाके नाश कईलन। ⁴⁸ ओन ऊ सब के पशुअन के ओलन से, अऊर ओनके ढोरन के बिजली से मिटा देहलन। ⁴⁹ ओन ऊ सब के ऊपर आपन प्रचण्ड क्रोध अऊर रोष भड़कईलन, अऊर ऊ लोग के संकट मे डललन, अऊर दुःखदाई दूतन क दल भेजलन। ⁵⁰ ओन अपने क्रोध क रस्ता खोललन, अऊर ऊ सब के प्राणन के मौत से ना बचईलन लेकिन ऊ सब के मरी के वश मे कर देहलन। ⁵¹ ओन मिस्र के सब पहिलउठन के मरलन, जे हाम के डेरन मे पौरुष क पहिला फल रहलन; ⁵² लेकिन अपने प्रजा के भेड़ बकरियन के जईसन प्रस्थान करईलन, अऊर जंगल में ऊ सब क अगुवाई पशुअन क झुण्ड क स कईलन। ⁵³ तब ऊ लोग ओनके चलावअ से बेखटके चललन अऊर ऊ लोग के कुछ भय ना भयल, लेकिन ऊ लोग क दुश्मन समुन्दर में डुब गईलन। ⁵⁴ अऊर ओन ऊ सब के अपने पवित्र देश के सीमा तक, एहि पहाड़ी देश मे पहुचईलन, जवन ओन अपने दहिने हाथे से प्राप्त कईले रहलन। ⁵⁵ ओन ऊ सब के सामने से अन्यजातियन के भगा दिहलन; अऊर ओनके जमीन के डोरी से माप-मापके बाँट देहलन; अऊर इस्राएल के गोत्रन के ऊ लोग डेरन में बसईलन। ⁵⁶ तऊने पे ऊ लोग परमप्रधान परमेश्वर क परीक्षा कईलन अऊर ओनसे बलवा कईलन, अऊर ओनके चितौनीयन के ना मनलन। ⁵⁷ अऊर मुड़के अपन पुरखन के जईसन विश्वासघात कईलन; ऊ लोग निकम्मा धनुष के जईसन धोखा देहलन। ⁵⁸ काहेकि ऊ लोग ऊंचा स्थान बनाके ओनके रिस दिलईलन, अऊर खुदल मूर्तियन के जरिए ओमे से जलन उपजईलन। ⁵⁹ परमेश्वर सुनके रोष से भर गईलन, अऊर ओन इस्राएल के बिलकुल छोड़ देहलन। ⁶⁰ ऊ शीलो क निवास, मतलब ओ तम्बू के जवन ओन मनुष्यन के बीच खड़ा कईले रहलन, त्याग देहलन,। ⁶¹ अऊर अपने सामर्थ्य के बँधुवाई मे जाए देहलन, अऊर अपने शोभा के द्रोही के वश मे कर देहलन। ⁶² ओन अपने प्रजा के तलवार से मरवा देहलन, अऊर अपने निज भाग के विरुद्ध रोष से भर गईलन। ⁶³ ऊ सब क जवान आग से भस्म भईलन, अऊर ओनके कुमारियन के विवाह क गीत ना गायल गयल। ⁶⁴ ऊ सब क याजक तलवार से मारल गईलन, अऊर ओनकर विधवा रोवअ ना पईलिन । ⁶⁵ तब प्रभु माना नींद से चऊक उठलन, अऊर अईसन वीर के जईसन उठलन जे दाखमधु पीके ललकारत होवअ। ⁶⁶ ओन अपने द्रोहियन के मारके पीछे हटा देहलन; अऊर ओनकर सदा क नाम धराई करईलन। ⁶⁷ फिर ओन युसुफ के तम्बू के तज देहलन; अऊर एप्रैम क गोत्र के ना चुनलन; ⁶⁸ लेकिन यहूदा ही के गोत्र के, अऊर अपने प्रिय सिय्योन पर्वत के चुन लिहलन। ⁶⁹ ओन अपने पवित्र स्थान के बहुत ऊँचा बना देहलन, अऊर धरती के जईसन स्थिर बनईलन, जेकर नीव ओन सदा के बदे डलले हयन। ⁷⁰ फिर ओन अपने दास दाऊद के चुनके भेड़शालन मे से ले लेहलन; ⁷¹ ओन ओके बच्चावाला भेड़न के पीछे-पीछे फिरअ से ले अईलन कि ओन ओनकर प्रजा याकूब के मतलब ओनके निज भाग इस्राएल क चरवाही करअ। ⁷² तब ऊ खरा मन से ओकर चरवाही कईलन, अऊर अपने हाथ क कुशलता से ओकर अगुवाई कईलन।