¹ परमेश्वर यहूदा में जानल गयल हयन, ओनकर नाम इस्राएल में महान भयल हव। ² ओनकर मण्डप शालेम में, अऊर ओनकर धाम सिय्योन में हव। ³ ऊहाँ ओन तीरन के, ढाल, तलवार के अऊर युद्ध के बाकी हथियारन के तोड़ डललन। ⁴ हे परमेश्वर, तू त ज्योतिर्मय हया: तू अहेर से भरल पहाड़न से अधिक उत्तम अऊर महान हयअ। ⁵ दृढ़ मनवाला लुट गईलन, अऊर भारी नींद में पड़ल हयन; अऊर शूरवीरन में से केहूँ क हाथ ना चलल । ⁶ हे याकूब क परमेश्वर, तोहरे घुड़की से, रथन सहित घोड़न भारी नींद मे पड़ल हयन। ⁷ खाली तू ही भययोग्य हया; अऊर जब तू क्रोध कर लगबअ, तब तोहरे सामने के खड़ा रह सकी? ⁸ तू स्वर्ग से फैसला सुनईले हयअ; धरती ऊ समय सुन के डेरा गयल, अऊर चुप रहल, ⁹ जब परमेश्वर न्याय करअ के, अऊर धरती क सब नम्र लोगन क उद्धार करअ के उठलन। ¹⁰ जरूर मनुष्य क जलजलाहट तोहरे स्तुति क वजह हो जाई, अऊर जवन जलजलाहट रह जाई, ओके तू रोकबअ। ¹¹ अपने परमेश्वर यहोवा क मन्नत माना, अऊर पूरा भी करा; ऊ जे भय के योग्य हयन, ओनके आस पास क सब लोग ओनके बदे भेंट ले आवअ। ¹² ओन त प्रधानन क अभिमान मिटा देईहन; ओन धरती के राजा सब के भययोग्य जान पड़त हयन।