¹ हमरे परमेश्वर के नगर मे, अऊर अपने पवित्र पहाड़ पे यहोवा महान अऊर अति स्तुति के योग्य हयन! ² सिय्योन पहाड़ ऊँचाई में सुन्दर अऊर पूरा धरती क खुशी क कारण हव, राजाधिराज क नगर उत्तरी सिरे पर हव। (मत्ती 5:35, यिर्म 3:19) ³ ओनकरे महलन में परमेश्वर ऊँचा गढ़ मानल गयल हयन। ⁴ काहे कि देखा, राजा लोग एकट्ठा भईल, ऊ एक साथ आगे बढ़ गईलन। ⁵ ओन आप ही देखलन अऊर देखतअ ही अचरज भईलन, ऊ घबरा के भाग गइल। ⁶ उहाँ कँपकँपी ओनके आ पकड़लेश, अऊर जच्चा की सी पीड़ा ओनके होवअ लगल। ⁷ तू पूरब हवा से तर्शीश के जहाज के तोड़ डालल। ⁸ सेनाओ के यहोवा के नगर में, आपन परमेश्वर के नगर में, जईसे हमने सुनले रहली, ओसही देखले भी हई; परमेश्वर ओके सदा मजबूत अऊर स्थिर रखिहन। ⁹ हे परमेश्वर हम तोहरे मंदिर के भीतर तोहरे दया पे मनन कइले हई। ¹⁰ हे परमेश्वर तोहरे नाम के योग्य तोहार भजन धरती के छोर तक होवत रही। तोहार दाहिना हाथ धार्मिकता से भरल हव; ¹¹ तोहरे न्याय के कामन के कारण सिय्योन पहाड़ आनंद करअ, अऊर यहूदा के नगर क बेटीयन खुश होवअ! ¹² सिय्योन के चारों ओर चला,अऊर ओकर चारों ओर चक्कर लगावा, ओनकरे गुम्मटन के गिन ला,। ¹³ ओनकरे शहरपनाह के देखा, ओनकरे महलन के ध्यान से देखा; जेसे की तू आवअ वालन पीढ़ी के लोगन से इह बात बता सका। ¹⁴ काहे कि ऊ परमेश्वर हमेशा खातिर हमने क परमेश्वर हयन। ऊ मरे तक हमार अगुआई करीहन।