¹ हे हमार धर्ममय परमेश्वर, जब हम पुकारी तब तू हमके उत्तर देहअ; जब हम संकट मे पड़ली तब तोही हमके सहारा देहलअ। हमरे पे अनुग्रह करा अउर हमार प्रार्थना सुन लअ। ² हे मनुष्य लोग, कब तक हमरे महिमा क अनादर होत रही? तू सभे कब तक व्यर्थ बातन से प्रेम रखबअ अउर झूठा योजना के खोज म रहबअ ? ³ इह जान रखा की यहोवा भक्त के अपने बदे अलग कर रखले हयन*; जब हम यहोवा क पुकारब तब ओन सुन लेईहन। ⁴ काँपत रहा आऊर पाप मत करा; अपने-अपने बिछौना पे मन ही मन म ध्यान करा अउर चुपचाप रहा। ⁵ धार्मिकता क बलिदान चढ़ावा, अउर यहोवा पर भरोसा रखा। ⁶ बहुत से हयन जवन कहअलन, "के हमने के कुछ भलाई दिखाई?" हे यहोवा, तू अपने चेहरा क उजियाला हमने पे चमकावा! ⁷ तू हमरे मन म ओसे कहीं ज्यादा खुशी भर देहले हयअ, जवन ओनके अन्न अउर दाखमधु के बढ़ती से होवला। ⁸ हम शांति से लेट जाबला अउर सूत जाबला; काहेकि, हे यहोवा, बस तोंहीं हमके निश्चिन्त रहअ देवलअ।