¹ हे यहोवा तोहरे सामर्थ्य से राजा आनन्दित होईयन; अउर तोहरे करल हुअल उद्धार से ओन बहुत मगन होईहन। ² तू ओनके मनोरथ के पूरा कईले हयअ, अउर ओनकरे मुँह क विनती के तू अस्वीकार न कईलअ। (सेला) ³ काहे कि तू उत्तम आशीषन के देते हुए ओनसे मिलअलअ अउर तू ओनके सिर पे कुन्दन क मुकूट पहिनावअलअ। ⁴ ओन तोहसे से जीवन मंगलन, अउर तू जीवनदान देहलअ; तू ओनके युगानुयुग क जीवन देहले हयअ। ⁵ तोहरे उद्धार के कारण ओनकर महिमा ज्यादा हव; तू ओनके वैभव अउर ऐश्वर्य से आभूषित कर देलअ। ⁶ काहे कि तू ओनके हमेशा के बदे आशीषीत कईले हयअ।*; तू अपने सम्मुख ओनके हर्ष अउर आनन्द से भर देलअ। ⁷ काहे कि राजा क भरोसा यहोवा के ऊपर हव; अउर परमप्रधान के करुणा से ऊ कभो नाही टलअ कअ*। ⁸ तोहार हाथ तोहरे सब दुश्मनन के ढूँढ़ निकाली, तोहार दहिना हाथ तोहरे सब बैरियन क पता लगा लेई। ⁹ तू अपने मुँह के सम्मुख उ सब के जलत हुअल भट्ठा के जइसन जलईबअ। यहोवा अपने गुस्सा मे उ सब के निगल जईहन, अउर आग उ सब के भसम कर डाली। ¹⁰ तू ओनकरे फलन के धरती पे से, अउर ओनके वंश के मनुष्यन में से नाश करबअ। ¹¹ काहे कि उ सब तोहार हानि ठनले हयन, उ सब अईसन युक्ति निकलले हयन जेके ऊ पूरा न कर सकिहन। ¹² काहे कि तू आपन धनुष ओनके विरुद्ध चढ़ईबअ, अउर ऊ सब पीठ देखाके भगिहन। ¹³ हे यहोवा ,अपने सामर्थ्य में महान होवा; अउर हमने गा-गाके तोहरे पराक्रम क भजन सुनाईब।