¹ हे यहोवा, तू हमके परख के जान लेहले हयअ।(रोमि 8:27) ² तू हमार उठल आउर बइठल जानत हयअ; आऊर हमरे विचारन के दूर से ही समझत लेलअ। ³ हमरे चलअ आऊर लेटअ क तू भली-भाँति छानबीन करअल, आऊर हमरे पूरा चालचलन क भेद जानअल। ⁴ हे यहोवा, हमरे मुँह में कऊनो अइसन बात नाही जऊने के तू पू तरा तरीके से न जानत होवअ। ⁵ तू हमके आगे-पीछे घेरले हयअ, आउर आपन हाथ हमरे ऊपर पर रखे रहलअ। ⁶ ई ज्ञान हमरे बदे बहुत कठिन हव; ई गम्भीर आउर हमरे समझ से बाहर हव। ⁷ हम तोहरे आत्मा से भागके कहाँ जाई? या तोहरे सामने से कहाँ भागी। ⁸ अगर हम आकाश पे चढ़ी, त तू उहाँ हयअ! अगर हम आपन खटिया अधोलोक में बीछाई त तू ऊंहा भी तू हयअ! ⁹ अगर हम भोर के किरण पे सवार होके समुंदर के पार बस जाईं, ¹⁰ त उहाँ भी तू अपने हाथ से हमार अगुआई करबअ, आउर अपने दहिने हाथ से हमके पकड़ले रहबअ। ¹¹ अगर हम कही अन्हार में त हम लुका जाईब, आउर हमरे चारों ओर क उजियाला रात क अन्हार के हो जाई। ¹² तभो अन्हार तोहसे न छुपाई, रात त दिन के बराबर रोशनी देई। काहे कि तोहरे बदे अन्हार आउर उजाला दुनो एक जइसन हव। ¹³ तू हमरे अंदरूनी अंगन के बनईले हयअ; तू हमके माई के कोख में रचलअ। ¹⁴ हम तोहार धन्यवाद करब, काहे कि हम भयानक आउर अद्भुत रीति से रचल गयल हई। तोहार काम त आश्चर्य क हव, अउर हम एके बहुत बढ़िया से जानत हई।(प्रका 15:3) ¹⁵ जब हम गुप्त मे बनावल जात, आउर धरती के नीचे जगहन में रचल जात रहे, त हमार शरीर तोहसे छिपल ना रहल। ¹⁶ तोहार आँख हमरे बेडौल तत्व के देखलेस; आउर हमार सब अंग जवन दिन-दिन बनत जात रहल, ऊ सब रचअ जाए से पहिले तोहरे किताबी में लिखल हुअल रहल। ¹⁷ हमरा बदे त हे परमेश्वर, तोहार विचार का ही बहुमूल्य हयन, ओनरे संख्या के जोड़ कईसन बड़ा हव! ¹⁸ अगर हम ओनके गिनित त ऊ बालू के दाना से ज्यादा ठहरतन। जब हम जाग उठअली, तब भी तोहरे साथे रहीला। ¹⁹ हे परमेश्वर तू जरूर दुष्टन के घात करबअ! हे हत्यारन, हमसे दूर हो जा। ²⁰ काहे कि उ लोग तोहरे विरुद्ध बलवा करअलन आउर छल क काम करअलन; तोहार दुश्मन तोहार नाम झूठा बात पे लेलअन। ²¹ हे यहोवा, का हम तोहरे बैरियन से बैर न रख्खि, आउर तोहरे विरोधीयन घृणा न करी? (प्रका 2:6) ²² हाँ, हम ओ लोग से पूरा तरह से बैर रखीला; हम ओ लोगन के आपन दुश्मन समझीला। ²³ हे परमेश्वर, हमके जाँच के जान ल! हमके परख के हमरे चिन्तावन के जान ल। ²⁴ आउर देखा कि हमरे में कऊनो बुरा चाल हव कि नाही, आउर अनन्त के रस्ता में हमार अगुआई करा!