¹ यहोवा क धन्यवाद करा, काहे कि ऊ भला हयन, आउर ओनकर करुणा हमेशा क हव। ² जे ईश्वरन क परमेश्वर हयन, ओनकर धन्यवाद करा, काहे कि ओनकर करुणा हमेशा क हव। ³ जे प्रभुअन क प्रभु हयन, ओनकर धन्यवाद करा, काहे कि ओनकर करुणा हमेशा क हव। ⁴ ओनके छोड़ केहू बड़का-बड़का आश्चर्यकरम नाही करअला; ओनकर करुणा हमेशा क हव। ⁵ ओन अपने बुद्धि से आकाश बनइलन, ओनकर करुणा हमेशा क हव। ⁶ ओन धरती के पानी के ऊपर फईलइले हयन, ओनकर करुणा हमेशा क हव। ⁷ ओन बड़का-बड़का ज्योति बनईलन, ओनकर करुणा हमेशा क हव। ⁸ दिन पे प्रभुता करअ बदे सूरज के बनईले हयन; ओनकर करुणा हमेशा क हव। ⁹ आउर रात पे प्रभुता करअ बदे चाँद आउर तारागढ़ के बनईलन, ओनकर करुणा हमेशा क हव। ¹⁰ ओन मिस्रियन के पहिलौठन के मरलन। ओनकर करुणा हमेशा क हव। ¹¹ आउर ऊ लोग के बीच से इस्राएलियन के निकलअलन, ओनकर करुणा हमेशा क हव। ¹² ताकतवर हाथ आउर बढ़वाल हुअल भुजा से निकाल ले अईलन। ओनकर करुणा हमेशा क हव। ¹³ ओन लाल समुंदर के बाट के दो भाग कर देहलन, ओनकर करुणा हमेशा क हव। ¹⁴ आउर इस्राएल के ओकरे बीचे मे से पार कर देहलन, ओनकर करुणा हमेशा क हव। ¹⁵ ओन फिरौन आउर ओकरे सेना के संगे लाल समुंदर में डाल देहलन, ओनकर करुणा हमेशा क हव।" ¹⁶ ओन अपने प्रजा के जंगल में ले चललन, ओनकर करुणा हमेशा क हव। ¹⁷ ओन बड़का-बड़का राजा मरलन, ओनकर करुणा हमेशा क हव। ¹⁸ ओन पराक्रमी राजा लोग के भी मरलन। ओनकर करुणा हमेशा क हव; ¹⁹ एमोरीयन क राजा सीहोन के ओनकर करुणा हमेशा क हव; ²⁰ आउर बाशान के राजा ओग के घात कईलन, ओनकर करुणा हमेशा क हव। ²¹ आउर ओह देश क भाग होवअ के बदे, ओनकर करुणा हमेशा क हव। ²² अपने दास इस्राएलीयन क भाग होवअ के बदे दे देहलन। ओनकर करुणा हमेशा क हव। ²³ ओन हमने के दुर्दश में हमने क सुधि लेहलन। ओनकर करुणा हमेशा क हव। ²⁴ ओन हमने के दुश्मनन से छुड़ईले हयन, ओनकर करुणा हमेशा क हव। ²⁵ ओन सब प्राणीयन के खाना देलअन, ओनकर करुणा हमेशा क हव। ²⁶ स्वर्ग के परमेश्वर क धन्यवाद करा, काहे कि ओनकर करुणा हमेशा क हव।