¹ यहोवा क स्तुति करा. हम सीधा लोगन के गोष्ठी में अऊर मण्डली में भी पूरा मन से यहोवा के धन्यवाद करब. ² यहोवा क काम बड़ा हव, जेतना ओनसे खुस रहलन, ऊ ओनके पर ध्यान लगावलन (भज,१४३:५) ³ ओनकर काम वैभवशाली अऊर ऐश्वर्यमय होवला, अऊर ओनकर धर्म हमेशा तक बनल रही. ⁴ ऊ आपन आश्चर्य कामन के याद करऊवले हयन; यहोवा अनुग्रहकारी अऊर दयालु हयन (भज. ८६:५) ⁵ ऊ अपने डरवइयन के भोजन देहले हयन; ऊ आपन वाचा के हमेशा याद रखिहन. ⁶ ऊ आपन प्रजा के जाति-जाति क भाग देवअ के खातिर, आपन कामन के प्रताप देखईले हयन* ⁷ सचाई अऊर न्याय ओनके हाथे क काम हव ; ओनकर सब उपदेश विश्वासयोग्य हव, ⁸ ऊ हमेशा-हमेशा अटल रहिहन, ऊ सचाई अऊर सिधाई से कइल गइल हयन ⁹ ऊ आपन प्रजा के उद्धार कइले हयन; ऊ आपन वाचा के हमेशा के खातिर ठहरईले हयन ओनकर नाम पवित्र अऊर भययोग्य हव (लूका १:४९,६८) ¹⁰ बुद्धि क मूल यहोवा क डर हव; जेतना ओनकर आज्ञा के मानलन, ओनकर समझ अच्छा हवला ओनकर स्तुति हमेशा बनल रही.