¹ हे हमार मन तु यहोवा के धन्य कह! हे हमार परमेश्वर यहोवा तू अत्यन्त महान हयअ तू वैभव आउर ऐश्वर्य कपड़ा पहने हुए हयअ ² तू उजाला के बादल के तरे ओढ़ले रहअ ल आऊर आकाश के तंबू के तरे तनले रहलअ, ³ जे अपने अटारीयन क कड़ीयन पानी में धरअला और बादलन के आपन रथ बनावअला आऊर हवा के पंखन पे चलअला, ⁴ तू हवा के आपन दूत आऊर धधकत आग के आपन सेवक बनावअ ला ⁵ तू धरती के ओकरे नींव पे स्थिर कईले हयअ, की उ कभो न डगमगाए। ⁶ तु ओनके गहिरे सागर में ढाँप देहले हयअ जईसे कपड़ा में पानी पहाड़न के ऊपर ठहरल गयल ⁷ तोहरे घुड़की से ऊ भाग गयल तोहरे गरजअ क आवाज सुनतअ ऊ उतावली करके बह गयल। ⁸ ऊ पहाड़न पे चढ़ गयल आऊर तराई के रस्ते से ओ जगह में उतर गयल जेके तु ओके बदे तईयार कईले रहलअ। ⁹ तू एक सीमा ठहरईलअ जेके ऊ नाहीं लाँघ सकअला आऊर न लौउटके स्थल के ढाँप सकअला। ¹⁰ तू तराइयन में सोतन के बहावलअ ऊ सब पहाड़न के बीच से बहअलेन ¹¹ ओ सब से मैदान क सब सब जीव-जन्तु पियअलन जंगली गदहा भी आपन प्यास बुझा लेलन ¹² ऊ सब के लग्गे आकाश क पक्षी बसेरा करलेन, आऊर डालीयन के बीचे में से बोललेन। ¹³ तू अपने अटारीयन में से पहाड़न के सींचअ ल, तोहरे कामन के फल से धरती तृप्त रहअला ¹⁴ तू पशुअन के बदे घास आऊर मनुष्यन के काम के बदे अन्न आदि उपजाव ल आऊर ए रिती जमीन से ओन भोजन वस्तु उत्पन्न करलेन ¹⁵ आऊर दाखमधु जेसे मनुष्य क मन आनंदित होला, आऊर तेल जेसे मुख चमकअला, आऊर अन्न जेसे ऊ संभल जाला। ¹⁶ यहोवा क पेड़ तृप्त रहअला, मतलब लबालोन क देवदार जवन ओनही क लगावल हूअल हयन। ¹⁷ ओम्मे चिरई आपन घोंसला बनावअ लीन; सारस क बसेरा सनौवर के पेड़ में होला। ¹⁸ ऊँचा पहाड़ जंगली बकरन के बदे हयन आऊर चट्टानन शापानन क शरणस्थान हयन। ¹⁹ ओन नियत समय के बदे चाँद के बनईले हयन; सूरज आपन अस्त होये क समय जानअला। ²⁰ तू अंधकार करअ ल, तब रात हो जाला; जेम्मे वन क सब जीव-जन्तु घुमअलन-फिरअलन ²¹ जवान सिंह अहेर के बदे गरजअलन आऊर परमेश्‍वर से आपन खाना माँगअलन। ²² सूरज उदय होतअ ऊ सब चल जालेन आऊर अपने माँदन में आराम करअलन। ²³ तब मनुष्य अपने काम के बदे आऊर साँझ तक मेहनत करअ बदे निकललेन। ²⁴ हे यहोवा, तोहार काम अनगिनत हव! इ सब वस्तुअन के तू बुद्धि से बनईले हयअ धरती तोहरे संपत्ति से परिपूर्ण हव। ²⁵ ए प्रकार समुन्दर बहुत बड़ा आऊर बहुत ही चऊड़ा हव, आऊर ओम्मे अनगिनत जलचर जीव-जन्तु, का छोटा, का बड़ा भरल पड़ल हयन। ²⁶ ओम्मे जहाज भी आला-जाला, आऊर लिव्यातान भी जेके तू उंहा खेलअ बदे बनईले हयअ। ²⁷ इ सब के तोहर ही आसरा हव कि तु ऊ सब क खाना समय पे देवल करअ। ²⁸ तू ऊ सब के देलअ, ऊ चुन लेलन; तू आपन मुट्ठी खोललअ आऊर ऊ सब उत्तम पदार्थन से तृप्त होलन। ²⁹ तू मुख फेर लेलअ, आऊर ऊ सब घबरा जालन; तू ऊ सब क साँस ले लेलअ आऊर ऊ सब क प्राण छुट जाला आऊर मट्टी में फिर मिल जाला। ³⁰ फिर तू अपने ओरी से साँस भेजअ ल आऊर ऊ सब सीरजल जालन; आऊर तू धरती के नया कर देलअ। ³¹ यहोवा क महिमा सदा काल तक बनल रहअ, यहोवा अपने कामन से आनंदित होंवअ ³² ओनके नजर ही से धरती काँप उठअला, आऊर ओनके छुअत पहाड़न से धुआं निकलला। ³³ हम जीवन भर यहोवा क गीत गावत रहब; जब तक हम बनल रहब तब तक अपने परमेश्वर क भजन गावत रहब। ³⁴ हमार सोच-विचार ओनके प्रिय लगअ, काहे कि हम त यहोवा के वजह से आनंदित रहब। ³⁵ पापी लोग धरती पे से मिट जाएँ, आऊर दुष्ट लोग आगे क न रहंअ! हे हमार मन यहोवा के धन्य कह! यहोवा क स्तुति कर!