¹ हम करुणा आऊर न्याय क विषय गाईबला; हे यहोवा, हम तोहार ही भजन गाईबला। ² हम बुद्धिमानी से खरे मार्ग में चलब। तू हमरे लग्गे कब अईबअ? हम अपने घर में मन के खराई के संग्गे आपन चाल चलबला; ³ हम कऊनो ओछा काम पे चित्त न लगाईबला। हम कुमार्ग पे चलअ वालन से घीन रखीला; अईसन काम में हम न लगबला। ⁴ टेढ़ा स्वभाव हमसे दूर रही; हम बुराई के जानब भी नाही। ⁵ जे लुका के अपने पड़ोसी क चुगली खाए, ओकर हम सत्यानाश करबला, जेकर आँख चढ़ल हो आऊर जेकर मन घमण्डी हव, ओकर हम न सहबला। ⁶ हमार आँख देश क विश्वासयोग लोगन पे लगल रही की उ हमरे संगे रहअ; जे खरे रस्ता पे चलअला उहअ हमार सेवक होई। ⁷ जे छल करअला उ हमरे घर क भीतर न रहअ पाई जे झूठ बोलअला उ हमरे सामने बनल न रही। ⁸ भोर ही भोर, के हम देश के सब दुष्टन क सत्यानाश करबला, ए बदे की यहोवा के नगर के सब अनर्थकारियन के नाश करी।