1
Hevelasiõ dji Jezi Khi, ki Bõdje bai pu Li pu mõthe pu so siavito-iela sa ki pa ke tade pu fet. Jezi voie un zãj pu , palakos dji li, so siavito Jã save djisa bagaj-iela.
2
Jã hakõte tut sa ki li ue, i esi fika sa ki li hakõte a hespek dji mẽsaj i dji lavehite ki Jezi mõthe.
3
Biẽ kõtã mun ki li sa liv-la, i biẽ kõtã sa mun-iela ki ka kute pahol dji sa mẽsaj-la i ki ka obei sa ki ekhi lãdã sa liv-la! Pase ki tã-la phox ki tut sa bagaj-iela ke fet.
4
Mo, Jã, ekhi pu set legliz-iela ki laba la Ásia.
*Graça i thãkilite pu zot ki vinï dji Bõdje, ki a sa , ki a te sa, i ki ke vinï, dji set lesphui-iela ki laba djivã dji so obiho
5
i dji Jezi Khi, tẽmuẽ ki fiam la! Li sa phõmiẽ Pitxit, ki leve dji lamo i ki ka kumãde vue-iela dji tã-la ãtxe. Li kõtã no, i pu so lamo lãdã lakhue li delivue no dji no pexe-iela,
6
i Li fe dji no vue i sasedotxi ãfẽ dji no siavi so Bõdje i Papa. Pu Jezi Khi ke bai *Glória i povua pu lavi ẽtehnel! *Amém!
7
Zot gade! Li ke vinï sãble nuaj-iela! tut mun ke ue'l, juk mem sa mun-iela ki jãbe'l ke lãs-la. Tut pov-iela dji tã-la ke khie palakos dji Li. Ui .Amém!
8
Sẽie Bõdje dji: mo sa phõmiẽ i diãiẽ ki a sa, ki a te sa i ki ke vinï, ki gãiẽ ghã povua.
19
Mo sa Jã, zot fue i kõpãiẽ lãdã sufãs i lãdã lasosiete i pasiãs ãsam ke Jezi. Mo te la zile dji Patmos, pu kote ie te pote mo pase mo te ka ãnüsie mẽsaj dji Bõdje i lavehite ki Jezi mõthe.
10
Lãdã ju dji Sẽie, Lesphui dji Bõdje dominẽ mo i mo tãde deie dji mo un vue fo sãble un thẽ dji thõbet ,
11
ki te ka dji pu mo:
_ ekhi lãdã un liv sa ki u ke ue i voie sa liv-la pu leglis-iela ki lãdã sa set pei-iela: Éfeso, Esmirna, Pérgamo, Tiatira, Sardes, Filadélfia i Laodiceia.
12
Mo vihe pu mo gade akimun ki te ka kose ke mo, i mo ue set *gho lalãp (candelabros) dji lo.
13
Lãdã lamitã dji ie te laba un bagaj te sãble un mun, te lãdã un lẽj ki te ka hive juk la so pie-iela i ke un sẽtxie dji lo ka kõhõnẽ so pothin.
14
So xive-iela te blã kumã plim mutõ(lã) i kumã nej, i so uei-iela te ka klehe kumã djife.
15
So pie-iela te ka klehe kumã (bronze) ki pase lãdã ghã djife i aphue ie poli'l, so vue te sãble thẽ dji un ghã so.
16
Lãdã so lãmẽ adhet li te ka txẽbe set zetuel, i dji so bux te ka sotxi un espad ki biẽ fite dji dê bo-iela. So vijaz te ka klehe kumã solei dji midji
17
Kã mo ue'l, mo tõbe obo so pie-iela, kumã un mun muhi. Mẽ aphue li poze so lãmẽ adhet lasu mo li dji: - Pa hete pe. Mo sa phõmiẽ i diãiẽ.
18
Mo sa ki ka viv-la. Mo te muhi, mẽ ato mo vivã pu ẽtehnite. Mo gãiẽ povua lasu lamo-la i lasu *tã dji mun muhi-iela.
19
Pu sa ekhi sa bagaj-iela ki u ke ue, sa ki ke fet ato kumã sa ki ke fet aphue-iela.
20
Signifikasiõ dji sa seghe dji set zetuel-iela ki u ue la mo lãmẽ adhet i dji set gho lalãp(candelabros) dji lo a sa: set zetuel-iela a zãj-iela dji set leglis-iela, i set gho lalãp(candelabros)-iela a set legliz-iela.
1Algumas versões trazem: "Eu sou o Alfa e o Ômega, o Princípio e o Fim" , diz o Senhor Deus.