¹ Pol, Silvano i tximotxio pu legliz dji tessalonicenses ki ke Bõdje no papa ,i no sẽie jezi khi. ² Volõte i kõtatmã pu zot dji pah dji Papa Bõdje i dji no Sẽie Jezi Khi. ³ Fue-iela no gãie tuju dji humiasi Bõdje pu zot, Kumã li jis, pase ki zot ixpua fo boku, i kõtatmã dji xak ūm dji zot xãbe de ūm pu vot. ⁴ A pu sa no ka hete kõtã dji pale dji zot pu vot leglis-iela, suje zot ixpua ki zot gãiẽ lãdã tut penseguiõ i aflisiõ ki zot sipote. ⁵ Sa a ūm laphuev kle i jis dji jugmã dji Bõdje, pu kõsidehe no jis djivã phuesãs dji Bõdje, pu thibulasiõ ki no Ka sufi. ⁶ Vuemã, i jis d jivã Bõdje ki li ke peie ke thibulasiõ sa mum ki Ka fe zot sufui. ⁷ Li ke bai ẽtehnite pu zot i osi pu no, ki Ka sufui, li ke fe sa Kã i Sẽie Jezi Khi vini, dji lahosiel i ke pahet asãm ke so sãnj-iela ki gãiẽ povua. ⁸ Ke ghã dji fe, pu vini sa mum-iela ki pa le kute Bõdje so pahol. ⁹ Sa mum-iela ke sufui ghã pehdisiõ lavi ẽtehnel, luẽn dji phuesãs dji Bõdje, i luẽn dji so povua. ¹⁰ Sa la ke hive lãdã ju ki li ke tone, pu tut so pou adohe-li i lue-li, pu li husuve adohasiõ, dji tut mim ki khẽ lasu li i zot osi ke asãm ke sa mūm-iela pase zot khe lasu Bõdje so Pahol ki no (pale) anūsie. ¹¹ Pu sa ki tuju no ka phuie pu zot, no ka dumãde dji Bõdje pu li kapasite zot, pu zot gãiẽ ūm lavi biẽm la so phuesãs, ke altohite pu healise bagaj ki bõ ki. ¹² Pu nõ dji no Sẽie Jezi Khi , (glohifike) lasu zot, i zot lasu li, desẽm kõtatmã dji no Bõdje i dji Sẽie Jezi Khi.