¹ Pol apoxt dji jezi khi ãsam ke lod dji bõdje, no salvasiõ i dji jezi khi no gãiẽ kõfiãs. ² Temóteo, a un lavehite ki ka vini pitxit la fie: ghemese lapen dji thãkilite ki ka vini dji bõdjẽ i papa dji jezi khi no sẽie. ³ kumã mo dumãde kã u pu masedonia , u hete la eféso puve bai animasiõ khek mun ki pa puve motheu wat bagas dji fehã . ⁴ nẽ u pa bai ãtãsiõ pu ixtwa dji ãvã sã finisiõ ki pote un djiskusiõ ki dji vet iede no plan dji bõdjẽ , ki isa dji fie. ⁵ Me ho objetiv a pu hete kõtã i kõtine pu un txó phop, i dji bõ Lespwi i dji fie Sẽié. ⁶ Khek mun ie kuinẽ i sutxi ke koze sót, ⁷ ie le sa methés dji la lwa, mẽ sã kophan ka ki ie ka dji, sã oblige ha ki ie ka fe. ⁸ Mẽ no save ki ha lwa-la ibõ puno izel ke fom ke lavehite. ⁹ No save dji sa: ki lwa-la pa fét pu ki gis, me pu ki mixã i pu mun ki pagãiẽ lwa, i pu mun ki pa ka khe, i pu mun ki plẽ ke pexe, i pu mun ki pa ka khe la no dji Bõdjẽ, i pu mun ki ka sal nõ dji Bõdjẽ, i ha ki ka txue ho phop papa i ho phop mamã i pu ha i pu mun ki ka txue ho kõpaiẽ, ¹⁰ pu ha mun ki ka fe mixã lavi i pu wom fam-iela, i pu mun ki ka fe mixãste ke ho kõpãie mun dji exklav, i pu mun ka fe mãto i pu mun ki ka bai mal temue i putul ha ki kõn la lalwa. ¹¹ Ha la lalwa-la i assam ke pahol ki ka vini dji Bõdjẽ i benisie ki mo gãiẽ kõfiãs. ¹² Mo ka humiasi JEZI KHI, no sẽie, ki bai mũ fós, i kõsidehe mo fie i mete mo lãdã ha thavai_la. ¹³ Mo te sa un wom ka heklamẽ, i ka peseki uat i ki te ka bat uat, mẽ mo husuve lapen , paski de ka viv ãke un mun ki sót lãdã txó du ki de gãiẽ. ¹⁴ Ghemesi no Sẽiẽ Ki devide fie i kõtatmã ha ki la Sẽiẽ Jezi Khi. ¹⁵ Ha pahol_la i gãiẽ kõfiãs pu husuvél dji tut ki ka asekte : Jezi Khi vinĩ la tã_la pu sove mun dji pexe_iela,de sa pi mal dji ie. ¹⁶ Mẽ, pu ha hezõ-la,mo husuve lapen,dji mãiẽ ki lahumũ, ki de sa pi mal dji mun dji pexe_iela, Jezi Khi puve mõthe mũ tut paxãs.I fe sa kom un lekzam pu ha ki khe la huli a pu lavi etehnél. ¹⁷ Akõsa , HUE etehnél,ki pa ka muhi i ki no pa ka uél, i sa deiẽ BÕDJE, i ki tut vãte i tut puva a pu un fwê i a pu un fwê a puli. Asa mêm. ¹⁸ ka hãdeu ha ixthusiõ_la Tximotx,mo pitxit ,ãsam ke tut ha ki BÕDJE dji ahespek dji to, pu ve fose u ko lãdã bõ bhuiga. ¹⁹ Fe sa pu puve gãiẽ fie ke un bõ lesphui. De thoa mun po le asekte i ie ka kale lãdã fie_la. ²⁰ Athe ie mem i la Himeneu i Alexandre,ha ki mo deha hãde pu djiab-la pu ie ãphan pa koze mal kõt BÕDJE.