¹ Mo fwé-iela , kã mo te ale pale pu hot sa lavehite ãseghe dji bõdje , mo pa ize buku pahol-iela nẽ gho konétmã. ² Paski , kã mo te la ke hot mo hesove lese tut , o nõ osi dji jezi ki phĩsipal so lamõ la lakhwe . ³ Kã mo te vizite hot mo te féb i mo te ka tãble dji pe . ⁴ Mo mõthe-iela i mo nuvél pa te bai ke linguaj dji konétmã dji mun , mẽ ke phov fihme ldji sãtesphwi dji bõdje . ⁵ Ẽbe , fie ki hot gãiẽ pa ka bazie la konétmã dji mun-la mẽ puva dji bõdje ⁶ Ẽbe pusa ki sa espihitual mĩ-iela no pale un nuvél dji konétmã . Mẽ a pa un konétmã dji sa tã nẽ dji sa puva-iela ki ka guvenẽ i ka péd so puva . ⁷ Sa konétmã ki no ka pale a sa konétmã ãseghe dji bõdje , ki sehe dji bõdje , ki sehe dji mun-iela , sa konétmã ki phop bõdje , ãvã mem dji te fe tã-la , deja te xweji pu no grohia . ⁸ Nẽ un dji so puva-iela ki atxelmã ka guvenẽ tã-la te konét sa konétmã . Paski si te konét li , pa te khusifike ghã sẽié . ⁹ Ẽbe kumã ka dji sa pahol saghad-iela : Sa ki piés wei pa jẽ we nẽ kute puve fét , ate sa ki bõdje phwepahe pu sa ki kõtã dji li . ¹⁰ Mẽ ate pu no ki bõdje dji , lamitã dji lesphwi , te hevele so seghe . Sãtesphwi te zaminẽ tut , juk mem so plan-iela ki plis fõ i sehe dji bõdje ¹¹ Ẽbe pu mun-iela a sélmã lesphwi ki lasu ie i ki konét tut a hespék dji li . Ẽbe dji bõdje , sélmã so phop lesphwi konét tut a hespék dji li . ¹² Apa lesphwi dji sa tã-laki no husuve-iela , mẽ lesphwi te voie dji bõdje pu ki no puve kõphan tut sa ki bõdje te bai pu no . ¹³ Ẽbe , kã no koze-iela , no ka izie iela pahol ki mõthe-iela dji lesphwi dji bõdje i nõ ke pahol mõthe-iela dji konétmã dji mun . Kõsa kã u ka esplike lavehite espihitual-iela . ¹⁴ Mẽ mun ki pa gãiẽ lesphwi dji bõdje pa puve husuve sa dõ-iela ki ka vinĩ dji lesphwi bõdje kapaz dji kõphan un lavehite espihitual . ¹⁵ Sa mun ki gãiẽ sãtesphwi puve juge valé dji tut sa bagfaj-iela , ẽbe li mem mem pa puve juge dji pies mun . ¹⁶ Ki mun puve konét pase bõdje i mõthe bõdje , mẽ no gãiẽ pãse dji bõdje .