¹ Ŋu ke sɔn mi de jɔtɔngɔ, exo xe ɔ ye ɔ emɛ ɔwe alo ɔtɔn anɔ etɛnxwe. ² Gan ye mɛ na ŋu do ba mide ɔwe gɔ ɔ, ŋu nɔ lɔ na mi egbe ke na emlɔ ŋugɔ le enù mɛ ɔ, ŋugɔ le lɔ nui ke na nɔvi ɔgɔjɛtɔ ɔgbɔn syɛtɔn ye kɔ do nɔvikpɔtwe ye be na ŋu lɛkɔ ba mide ɔ emlɔ ŋu gɔ akpɔn do emɛ na mi o. ³ Ɖo ɔ, mi gɔ le kanunu ɖexlɛ ɖe be Kristo alɔ exo do zɔn xoji o éyɔ̀ kena ŋu gbɔjɔ le miwu ɔ, vɔɔ, eyɔ kenɛ enyi hinhlɔn tɔ le mimɛ ɔ. ⁴ Ɖo ye kaɛ do atisogaji ɖo egbɔjɔ gbɔjɔ wutu vɔɔ ele ɛgbɛ do Mawu ehinhlɔn ji, eyɛ mi ye can migbɔjɔ le émɛ̀, mi ye can a mi le ɛgbɛ nɔnu le émɛ̀ le Mawu ehinhlɔn yi na mi. ⁵ Mi ye ŋutɔ ye mi jro mi ye eɖe ye mɛ kpɔ be, mi le xɔse ɔ mɛ jaa? Mitɛn miye ŋutɔ mi ye eɖe ye kpɔn, alo mi ŋu le kpɔnnu be Yesu Kristo le mimɛ ɔ? Na ŋu nyi kesin o o be nyi mi zun emɛ na ŋudo xɔse o. ⁶ Vɔ ɔ, ŋu nyɔɛ be, mi anyɔ be mi ŋu nyi emi na ŋu ɖo xɔse o, eyɛ mi ye ɔ mi nɔ wa mi ye etɔn ɔ mi ŋu gɔ le ɔgɔjijɛ mɛ o. ⁷ Ganke ɔ, mi le ekwefan nu na Mawu be mi ŋu ka jɛ enu nyi nyya ɖe mɛ o. Ŋu nyi be, mi ye ŋutɔ ye mia do ɖe mi ye ŋutɔ ye e ɖe yexlɛo, vɔ ɔ, míye ɔ, xɔse wɛ na mì a kpe ewu a do wa enu zanta, eyɛ miye ɔ, mi anyi emɛ na ve nɔ tɛɛnkpɔn le xɔse mɛ. ⁸ Ɖo, mi ye ɔ, miŋu ɖo hinhlɔnti hugan xojɔxo ɔ o, xojɔxo ɔ wɛ le mi yesi. ⁹ Gbɔjɔ gbɔjɔ mɛ wɛ mi ye minɔ kpɔn jijwɛ le, émɛ wɛ mì ye mì nɔ kpɔn hinhlɛn le exɛnɔ wɛ minɔ biɔ na mi le mi ye e ɖɛ mɛ eyɛ wɛ nyi i ye e nujɔnu nyi nyi. ¹⁰ Eyɛ wɛ na mlɔ ŋu le o co, ŋu le ŋwlan nu exo ɔ na mi, na enyi be ŋu ba nyi bibatɔ ɔ, mlɔ ŋu gɔ a hɛn mi gangan o, dozɔn acɛkpikpa na tɔhonɔ yi do xoji o ado nyi egan do ɛ̀mɛ̀ ŋuka nyi enu hɛn gbletɔn o. ¹¹ Miye nɔvi nɛ kpɔtɔ ye ɔ mi nɔ jijwɛmɛ, mi do gan mia nyi enu jɔ nuwatɔ, miɖo ɔlɔ ɔkɔnli na mi ye eɖe ye, mi nɔ lokpo le miye esun sunye mɛ minɔ fifá lokpo ɔ mɛ, eyɛ Mawu kena enyi ewan nyi nyi kɔdo fifaa aɔ kɔ domi. ¹² Mìdò egbe na mi ye éɖéyè, ési kiki mi ye etɔn ye nɛ̀kɔ̀n. ¹³ Emɛkinkɔn ye tɛtɛ do gbe nami. ¹⁴ Emɛnuvivɛ tɔhonɔ Yesu kristo tɔn kɔdo linlwɔn Mawu kɔdo ekan cica gbigbɔ kinkɔntɔ anɔ kɔ do mi ye mɛ tɛtɛ.