¹ Emɛn enyi kannu mɔnye ni kpɔn ye exuetɔye be ye a jɛ nan sisi blebu, nan ɛmɛnde unkalɔ xo nyinylan do Manwu enyikɔ gɔdo mie enukpikpla wu o. ² Emɛnnan yede ɔxuetɔ yisenɔnye ɔ, ye nika bui be yenyi nɔnvi le Kristi mɛn, nan yea dokpo bubu man do nan ye exuetɔ o. Vɔ bohun ɔ, ye ni sɛnye vivɛ de wu, do ɛmɛn nan yenɔn kpɔn ye ezan zantan ye e ale nɔnyi, ye nyi yisenɔnye gɔdo ɛmɛn vivɛ ye. Mawumɛn nyinyi adodoe ɔ, enu xiɔn ye wɛ ye anɔn kpla, anɔnye xlɛ ɛmɛnye. ³ Nan ɛmɛn de kpla enu bu, nan unle mie tɔhonɔn Jesus Kristi e exo zantanye, gɔdɔ kpikpla kenan zɔndo manwumɛn nyinyi ji, do asioa. ⁴ Egoyitɔwɛ enyi. Unnyɔn enu tin o, e le jɛnu exokanse gɔdo exozan e ɔzɔn. Enu xiɔye nɔn hɛn ɔŋuhuan, ajre, enu nyinylan lilɔ, exo vwɛn bu do ɛmɛn wu. ⁵ Exo didɔn man do takpohue, ba ɛmɛn kenan ye e susu lilɛ eyɔ wɛ ye hlu xojɔxo ɔyedo ewu ye nɔn bu be ɔdɔku jijɛ e emɔnnu wɛ enyi. ⁶ Mawu sisɛn ɔn, ale gbo de le emɛn nan ɛmɛn kenan enu kenan ele esiɔ, suɔ. ⁷ Do be miun hɛn enu tin do ba ɛgbexiɔmɛn o. Mi gɔ nyɔn nyɔnɛnde be, miun gɔ yi enutin le emɛn do lɛ o. ⁸ Eyɔutu ɔ, nan mido enu dudu gɔdo enu gbigba ɔ, enɔn jɛ ɔmɛn nan mi. ⁹ Emɛn kenan enɔn kan anyi ɔdokunɔn ɔ, nɔn jɛ titɛn kpɔn jɔdo emɔn titrɛ gɔdo ejrovwɛn, yɛyinɔn jɛ tɔ ye. Enu xiɔye nɔndɔn egbɛtɔye donɔn sɔn eku gɔdo cicrɔn mɛn. ¹⁰ Ee wannyinyi dido nan ɔhɔ wɛ nyi evuwɛn ye e ɔdɔ. Emɛn deye kɛn ɛn, do e kikan wutu, gɔdo ɔŋubia, eyɔwɛ ye tran emɔn lɛle enu kenan yeyise san ɔ de. Kesin ɔn, yeyi vivɛ susu do tɔ ye edeye. ¹¹ Oyɔ Mawu emɛn, si nan enu xiɔn ye, a bo kan wɛjijɔ, ɔŋzinzinkonanmɛn, xɔse, wannyinnyin, surudido, ɔdɔmɛnfa. ¹² Fy xɔsewan zantantan ɔ, yi ɛgbɛ mankpo mankpo kenan ye yɔ ana ɔ bo do hy nuvwɛn mɛn le ɛmɛn susu e ɔkɔn ɔ. ¹³ Ŋ le biɔ nu sɔn wesi, le Mawu kenan e nɔn nan ɛgbɛ wu enu tɛtɛ ɔ e ɔŋkɔn gɔdo Jesu Kristi kenan e de kŋnu zantantan le Pilati e ɔŋkɔnɔ ekusimɛn be, ¹⁴ a nɔn hɛn esɛn ɔ a bo nɔn kikɔnji kaka nan tɔhonɔn Jesu Kristi e biba. ¹⁵ Mawu ɛmɛn kenan e yi donannɔn, hihlɔn tɛtɛtɔ, ɔxɔsu ye e ɔxɔsu, tɔhonɔn ye e tɔhonɔn, a de Kristi xlɛ le e yɔ ŋ tɔ e azan kenan edo ɔ gbe. ¹⁶ Eyɔ lokponɔn kpoŋwɛ ŋ nɔn ku o, e bo nɔn nɔn kiklin kenan mɛnti ŋnɔn gogo ɔ mɛn, ɛmɛn kenan mɛnti ŋkpɔn kpɔn o e yɔ wɛ mɛnti ŋ bo kpeji a kpɔn can o a. Etɔn mɛ nyi gigo gɔdo hihlɔn mankpo mankpo ɔ. Ami. ¹⁷ Lɔ nan ɛgbɛ mɛn fi e ɔdɔkŋnɔn ye be ye ŋka yigo o, be ye ŋka yi ye ɔkusi dido do ɔdokŋ kenan ŋdo jidide ti o a ji o, vɔ ye nɛn yi ye ɔkusidido do Mawu kenan e nan mi enutɛtɛ be mian do kpɔn jijwɛ ɔ ji. ¹⁸ Ye nin wa enu zantantan, ye a bo jɛ ɔdɔkŋ zɔn ezan wiwa zantantan ye mɛn, ye a. ¹⁹ Kesi wɛ ye a bɔ ɔdɔkŋ nan yede ye xɛn, ɔdɔkŋ xiɔn a bo sinanwan do dodonu sisiɛn ɔ ji nan ye a do do ɛgbɛ zantantan ɔ. ²⁰ O o Timɔnte, wli bo nan enu kenan ye yi do ast mɛn nɔn ɔn nan abo nɔn ɔzɔga nan exodidɔn vɔvɔ ye, exo man gbokɔ ye. ²¹ Enu xiɔn yeɛmɛn de ye wa. Ye do bu xɔse mɔnɔ Mawu e enufɛfo ninɔn gɔ do ɔ.