¹ Gbigbɔ ɔ lɔ ɛ peŋu be le azan kpɔtuɛye jiɔ, ɛmɛn de ye yeajo ɔgɔ le yisemɛn eyɔwɛ ye a tɛ do gbigbɔ ɛmɛnflutɔye gɔdo gbigbɔ vwɛnye enukpikla wu. ² Ye a bu dozɔn lɛlo -nukpikpla ayimɛn nu wiwaji ɛmen kenaye yeyi égan zozo dó do jesindo le ye e jijimɛnɔ. ³ ƐMɛn xiɔnye yea nɔn gbɛ ɔsi dide nan emen ye a do esen be emenye ni ka du enu dudu kenan manwu do nan emen kenan yeyise eyɔwɛ ye be nyɔn xojɔxoɔ ye ni du gɔdo ekpe didoɔye. ⁴ Do be manwu enudido enudido dekpekpe nyɔn etin unle emɛn keun yeagbɛ o vɔ midoa dui gɔdo ɛkpɛ dido. ⁵ Do be manwu e exo gɔdo ɛdɛ nɔn le kɔnnu ewu manwumɛn nyinyi e ale. ⁶ Nan ɔyi enu xiɔye dowe nɔnviye e kusimɛn ɔn anyi yesus kousti e emensentɔ adodoe kenan ɔnyi le xɔse e xojɔxo gɔdo didéxle adodoe kenan edoɔ kpasa mɛn. ⁷ Gbɛ ejro mankɔn mankɔnye kenan nyixonɔnye nɔn toɔ. ⁸ Zan wede nana manwu e ɛmɛn nyinyi. Do be agbaza e zizan ɔ ale viɖe kpounwɛ eɖo vɔ manwumɛn nyinyi de ale enu tɛtɛ mɛn do e do fifian nan ɛgbɛ kenan ele siɛ ɔ gɔdo kenan a de baɔ. ⁹ Exiɔ wɛnyi kunu-xo kenan ejɛ be emen tete niyiɔ. ¹⁰ Man mi le agbagba jɛ nu eyɔwɛ mi le ɔvun drɛn nu ɔ mi do ɔkusi do mawu gbɛgbɛ kenan enyi emen tete ehluengantɔ wu vive tɔ wɔ nyi emen kenan eyise ɔtɔn. ¹¹ Ka do exo xiɔye ji eyɔwɛ yea xleɔ. ¹² Ka nana emende a dovlo we dekaje nyinyi o, vɔ nyi kpɔndowu nana yise nɔnye le exoɔ mɛn le eden mɛn le wan nyinyimɛn le yise mɛn le kikɔn nyinyi mɛn. ¹³ Jɛ agbagba nan ye bɔ ɔ nɔ de xlɛ nɛn kplanuye kaka nan man ba . ¹⁴ Ka gbɛ enu fɛfo kenan ele émen ɔn ninanye o enu fɛfo kenan yeyi dozɔn exolɔdawan ji ganmɛnnan ehamenhoye do ɔlɔ eta nanye ɔ . ¹⁵ Enu xiɔ ye wɛ ye do a wlibon n ye e ɔwrkɔn sisɔn ni ze le enu tɛtɛ mɛn. ¹⁶ Kpɔla ye ɔ do vivɛ enu le exiɔ ye tɛtɛ mɛn do le exiɔ wiwia mɛn wɛ a hluɛn wede gɔdo ɛmɛn kenanyele do ɔtɔ ye ɔ tantɛn .