1 Linba nae tie Jak bija A guul mɔbongbanŋa: Yennu , n baka ,yennu n baka, n k mɔk sommtua. 2 N naan bonkobuko k cie nisaalik, n k mɔk yan nba k nisaalik mɔk na. 3 N kban tumi yanfuon nan waama, n k mi sial k jiin Yennu po. 4 ŋmee mi bann sampaapo bannu? ŋmee mi suol wouŋ u nuu ni? koo ki mi pɔbinnyun cincenn ni? koo k dokit tiŋ kpaal paaki? L daanɔ tie ŋmee k a muu? k ŋmee tie u bija? 5 "Yennu dia mɔsona nba k u senn na kul. U tie nan nagbakɔnŋl nae k tien binba kul luun u guulu na. 6 Yenn-i yet linba ŋaan k a yaa u yet a, sie k u loma buol k wanna nan a faak danua e. 7 Yennu, n boia maa fan ŋaan k n la bona ŋanle na wa k kpo. . 8 A daa te k n fa faak, k bia daa tien mɔktuɔ koo nandaanɔ, ŋaan tulin jieet nba saa jaŋin. 9 Fi-i tulin bonciaann, ntan saa mann yet a n k luon a sommil,ŋaan mii biaki be manu, k n tan saa mann jan k dinn fin Yennu fei. 11 Nisiab be ki sat mɔtont bibaanba paak , k b numm bia k gbuot b naanba 12 Nisiab duki a ŋamm mantik tie kassi, ŋaan ŋamme mantik tuun biit. 13 Nisiab duki a ŋamm mantik ŋan paa. L nibuolu mɔk dontin mɔnŋ bɔncianne. 14 Nisiab be k fial talass damm nan nandm, b tie nnae k laat b daal diitl. 15 Dindal mɔk bonpoi banlee k b kula sana tie "tulmin ". Bonna ŋannae be ki siar kan ban janŋib. ŋamme tie: 6 kpientinŋ nan puokanmatil nan tinkooŋ nba luon saak nan muu nba di k b gbal kpienu. 17 Daanɔ nbba laa u baa koo k yitin u naa, l ŋan k juut ndi u gnanant koo kinkata n kpakl u ninbina. 18 Bona ŋannae be k n k ban l paak; ŋanne tie: 19 Baakl nba tuu yuuk sanpaapo bianŋinna na nan waauk nba tuo buak tanpiuk paak biaŋinna na nan lomm nba tuo kua jua nan puob bianŋinba k b luon lieb na. 20 Ton,piocuncɔnn dudukit e na: wuu dua nan jaganɔ k gbenn u ji tuo wule, ŋaan yet a:" A la kin tun siala kpetli? 21 Bona ŋannae ne, k tingounŋ mɔŋ k tuo lpaak: 22 Dabl nba tuo tan di naan na,nan jatuk kul nba tuo tan mɔk jiet kul nba k u luon na. 23 puoyuonn nba tuo tan kun jua na, daab puok nba tuo tan fat u daabnaa sɔlɔ na. 24 Bona ŋannae be tingbɔnŋ na k k yab ŋaan mantik sub; ŋamme tie: 25 Languul : B k mɔk panŋ ŋaan b tuo bekl b jiet dijaan yuoe. 26 Sina: B k mɔk panŋ, ŋaan b ŋei be juut ninŋe. 27 B k mɔk bet ŋaan b somm paabu paabu e. 28 Dabuna: A saa fit kub b yenɔ a nuu ni, ŋaan b be kpanbala ŋeni e. 29 Bona ŋannae be k b Somml ŋan; ŋamme tie: 30 yanbola ; b mɔk panŋ k gal bonkobit kul, k k ŋmaan sua. 31 Wojak sommil nam kojok sommil nan kpanbala nba tio somm b niib tuann po na. 33 Fii ŋak ŋak naabiin, atuo la naabikpame; k fii faa nilua mial, l tuo put sɔnme, nnae mun, fii fiin niib wutoa, lin baal nan kunkonn.