1 Fin nan nijaann i kal k di jiet, fin suol a mɔnŋ kii mi waa tie wunba tuonn. 2 Fii mɔk niaɔnŋ ŋaan fan suol a mɔnŋ. 3 A daa mɔk niaɔnŋ nan jeŋant nba k u tien na, l pasial u sii yaa wunbiknae. 4 A daa liint a mɔnŋ a fin mɔkti, ŋaan i tie subindaanɔ, kii mɔk yun. 5 A sii waa k biel mɔkint nba saa yate e? L sii nan a mɔkint manŋ pia kpinkpante k yukl nan baakil na. 6 A daa di jawudaanɔ jiet nba k u tien; k bia daa jekil u jeŋant paak i. 7 U tuu yet a i diwa, ŋaan u k luon nna kaa, u binbenŋ tie nan waa dukii bianŋinba nae. 8 Faa dii linba na a saa siiwa k a mɔmant na kul n tien yann. 9 A daa piak yan maan k tien jatugu, k maan u saa yismae. 10 I i mi k a ban cat kpapakpelik, kuo k fat kpiebi kpaab (tinŋ). 11 K maan yiiko daanɔ be b po, k saa kɔn b paak k tui'b. 12 Gbiintl linba k a wanntua wanta na k tumii i kul. 13 A daa nyikt waas kpaanii; kuan lanbann bik sakpitapo ŋann kaa saa kpi u. 14 Balmɔnii ŋmakituu saa tinn; u manfuol kuun niwa. 15 N bija fii mɔk yan, n sii mɔk pal-pienn bonciann. 16 N sii mɔk yugontle yuo nba k n gbia k a piak yan fuon maan. 17 A daa mɔk funfunn nan biit danmii; ŋaan kii tiin kaagbennue daal kul. 18 Fii tien nna; a tuann po benu sii yiene. 19 Gbinnti, n bija, ii mɔk yan k a ninbinnii mɔn k fii saa liik. 20 A daa tɔkii nan niib nbanyu daan bonciann, kuo k di jiet k l gaal'b na: 21 Dayibla nan podanm sii be namu nie, lii tie k a tuonn kpan tie fan tuu di k dual guanie, i kan woi k a sii lia bonciat. 22 Gbiintl a baa maan, k maan ŋuan te k b mala, yuo nba k a naa ciant, a daa diau gbaka gbaka nna. 23 Balmɔnii, nan yanfuon, nan tumiiu, nan duduk ŋant ŋan nan fin daa ŋaan il ji k ŋan nan fin kuat. 24 Popiendaanɔ baa mɔk mɔnii nan waa be palpienn ni na. A bikii mɔk yan a sii mɔk yugontle . 25 Ŋaant k a naa nan a baaii mɔk yugontl a paak, tulin a naa nba mala na i palpienn. 26 N bija jiin a pal k tulin, k kpaa a ninbina kii goli n sɔnu. 27 Puojantona nan puocuncunna tie nan buotuk nba sumi, k bia tie bonyebk nna nae k fii sik a kant fit k do. 28 B guu nan fal tieb nae, k te k jab bonciannn conm. 29 Wantin wunba nyu daan bociann, k tie wunba nyu dabuolu kul; k n saa n saa wonna na nan u be ninbaatl nie u yan tuu yet u mɔnŋ, k u baat nan daami yuo kul. K bia fabin yuo kul. k u ninbina nɔn. K u laat danŋ nba k u bo saa fit k nyi lenŋa . 30 Ŋua ntuu tan juont danyubuol, daŋ mata kul u bia nyue. 31 A daa te k mɔnu na jan mitani, l tuu daane daŋmanŋ ni, k tan sik puol ni suon nna. 32 K l tuu tan juont k tie nan, waaɔko juna na k bia tie nan kunkonn nba mɔk lɔbtie ŋmuu na. 33 K a ninbina saa la bonsaana, k a saa dukin linba k tie balmɔni, k a pinpakt bia kii nyi fanu. 34 A sii tie nan daanɔ nba dua ŋatunŋ ni, mɔk gbenŋl paak, u pal paak pukl nae. 35 B faan ŋaan n k la danŋ! k b buon ŋaan l k tonŋ'n! Nlie yuoe k n saa yelk k fiili? N saa ŋanm boi daan poe!