¹ Suon nna gatu maakit wutuol e; ŋaan; kunkɔciaɔk ŋanin dont wutuole. ² Yandaanɔ i pak yuo nba bannu tuu cat nakne; ŋaan jatuk ŋann tuu fu fuute. ³ Kaagbennu goli bonsial kul po, u laat niŋanm nan ni tont tuona. ⁴ Palmaasil mɔbona tien manfuol, ŋaan tonu mɔbona ŋann tien a siek danŋ e. ⁵ L tie jatie nan fan yet linba k a baa wanna na. L ŋan k a gaal a baa ŋmakta. ⁶ Mɔkint bonciann n gbie niŋanm ŋei ni ŋan'n gbie nan bonbiŋmatuŋo ⁷ Yandanme baat nan bannu, ŋaan jatit ŋan'n k baat nan siali. ⁸ Niŋanm e i mei kaagbennu yuo nba u tuu mɔk palpienne, ŋaan k k luon tuonbiit danm malunŋ nba k b tienɔ na. ⁹ Kaagbennu k luon tondanm sɔnu nba k b tɔk na, ŋaan luon binba tuun ŋant tuona nba tuok. ¹⁰ Fii yet sɔnu na tɔkinu, u saa dat a tubl bonciann; fii yet ŋmak tu, a saa kpo wa. ¹¹ Kpientinŋ nan buot-sunsunŋ nba bɔn gbaa, ŋaan sial k duak Kaagbennu nan wun la lenŋ, k niib ji saa tien nle k bɔlɔ b dudukt i. ¹² Binba laa b lieb k ban luon ŋmaktu; b kan ni boi binba tie yandanm na k bin tulib pkanii. ¹³ Niibii mɔk palpienn b tuu laa mɔmiine, ŋaan yuo nba k b mɔk palbiil k b ji goli ninbiik. ¹⁴ Yandanme luon tumiu, ŋaan bonliini na ŋan'n b nunm gbuot jati nba k b mɔk nae. ¹⁵ Daal kul ninbadanm tuu be binbenbiik e, ŋaan danm nba mɔk palpienn l tuu tie nan b be jaanm nie na. ¹⁶ Fii tiin Kaagbennu jaŋmaanii nsǝ, nan niib nba k a luom, ŋanne sɔ nan fii ŋman naajakpanma ŋaan k nanŋ be lenŋ. ^{17 18} Fii tiin Kaagbennu Jaŋmaani n sə, nan fii tie mɔktjaann nba be daamii ni. Fii di kpinfaat nan niib nba k a luom, ŋanne sɔ nan fii ŋman naaja kpanma ŋaan k nanŋ be lenŋ. Danm nba dont wutoa yian yian baat nan kunkɔnae, ŋaan k suklu danm baat nan palmaasil. ¹⁹ Gban nyak daanɔ sɔnu ni luo kunkonie, ŋaan tuontunnɔ sɔnu yiene. ²⁰ Bik nba mɔk yan tien u baa palpienne, ŋaan bik nba tie jatuk yisin u naae. ²¹ Binba tie bonliinii na mɔk palpienn b jatii tuona paak e, ŋaan subindanm na ŋan'n tuun linba tuok sɔnue. ²² Gaat kpaanii k lin sonma k fin nyann, ŋanni kaa a saa baa wa. ²³ Gatu mɔbonn nba tuok tien palmane, k a dukin l manu sii tie nle maan nba k a pak na! ²⁴ Niib nba mɔk yan tɔk manfuol sɔnue, b k tɔkii kuun sɔnu. ²⁵ Kaagbennu saa bet kalinbaan danm ŋei; ŋaan guul pakuak mɔkint. ²⁶ Kaagbennu k luon dudukbiitii, ŋaan u pal me i k u laat mɔbonŋannae u nun min. ²⁷ wunba luon wun mɔkt yian baat nan daamii eu ŋaak paak, ŋaan wunba nan tuonbiit sii tun foe. ²⁸ Niŋanm tuu duknewa k tul gatu, ŋaan nitont danmii yaat mɔi yuonba b piak nuantont maame. ²⁹ Niŋanmi mei Kaagbennu yuonba u gbiine, ŋaan yien nitont k fɔk nanm. ³⁰ Niibi laa mɔmiin l tuu tula palpienne, k laabas aa n ŋann tienna palduann. ³¹ Fii gbiin daal kul k b ŋmaktla; fine mɔk yan. ³² Fii yet fin gaal tumii u a saa tien a mɔnŋe danŋ; ŋaan fii sak tumiiu a saa la yan bonciann. ³³ Fii baakt Kaagbennu l tie tuntl nba mɔk yame, sie k a sikin a mɔnŋ sinsinna k fit la jilima.