¹ Kagbenu yetn a: jiin dopɔk yaln, k dian l paak, nanm gbenaa: Lekin yian, kaktl fat. ² K n yiin siada danm nba mk yadaa, manntua uli, nan Saakaali, Belekia bija. ³ K n kpian yennu sɔkni nba tie puo na; k u Suol puol k mal bonjak kaagbenu yetna: puln mɔ sann a Mahel-Schalal-Chasch-Baz. ⁴ K manan bik na ntan fit yiin: baa! n naa! b sii baat nan Daamaas faal nan Saamaali faal nba k b kɔn k faat nae Aasiili kpanbal tuann. ⁵ Kaagbenu bia betin, k yeta: ⁶ Kmaan budu k cɔlin Siloe bunŋ nba puub ŋaan suoo na mɔk kpunkpɔnmuk nan Retsin nan Remalia bija, ⁷ L paak, yonmdaan te k bunciɔnŋ nyun nan l panŋ n do k yil (Aasiili kpanbal nan u yudant); u saa gbie k saa gbie k saa paate, k yat kua bunbit. ⁸ U saa kua suuda nie, kyakl juona k gbie, k janŋ tulu u kpunkpant tantu saa gbie a dogbann na yent kula, ho Emanual! ⁹ I yikin man tɔb yikini, duo tieb! k saa yot; manŋt tubl, yinm nba kua banfakl! tient kɔnn siil man, k i saa buonta. ¹⁰ I lol lola, k kul saa tien yenna; i wɔnn yaa luo na, ŋaa l kan tun siali: k manan yennu be nant. ¹¹ N nae k kaagbennu pak k tulin, yonba ku nuu kubin; ku kpaan na n daa sonm buolu ne sɔnjok ni: ¹² A daa tie kan Sak nan buolu nenba tie kansak a daa mɔk jijei k jiin baa jie linba na po, na a bia daa jekli. ¹³ Kaagbennu nbatie kɔnkɔntua e ki sii jantl, ŋude ki sii jie k bia tienɔ baakl. ¹⁴ K u sii tie ŋant binbe buol, ŋaan bia tie nan tann na k dua sonjok ni k niib gbiatl, k tie nan janmi tann Islael naa kuut ŋanle na k tie nan janboonŋ nan baluk na k dua guu niib nba kua Selusalem ni na. ¹⁵ Bonciann saa gbiat; k baa k but but b saa nyint lenŋe k bin suolb. ¹⁶ Wuont l maan a pal ni, luont nan gan pieni faa gbat linba, n ŋaajab siikni. ¹⁷ N duu kaagbennu paak, ŋua nba bɔl u nunŋ po k Saakob ŋaak daa Laat; u ninŋe k n duu. ¹⁸ I goli, min nan wass nbak kaagbennu tenna, tinme tie nan nunnɔnŋ k bia tie nan maam nba fo na Islael tieb buol ni, k kaagbennu nba tie kɔnkɔntua, k kua sion na senn. ¹⁹ Lii tie k sua beti a: saant la ja baabuula nan nunnyuɔn danm, ŋanm nba bulin k bia lɔkin na, yin jiin yeta: buolu na kan saa k la u yennu? u sii piak nan kpienme fuotb na paaki? ²⁰ Sennu nan kasiada po! lii tie k nulɔ k piak nna, u k tul buolu na baakl. ²¹ U sii lin k yilbe duo na ni, k bakint nan kom mɔ, komi suolɔ, u saa donn wutuol, k mɔ u kpanbal nan u yennu motann, ŋaan yaat ninbina sanpaapo; ²² K bia ŋmat got tinŋ ni, ŋaan, u kpan sii mɔk Daaml, palbonn nan bunbɔnn kɔa: u saa mantik kua bunbɔncinm nie.