¹ N tul binba k mialin sial ne, n wann n mƆnŋ binba bo k kpaanin ne waa; n yet maa: min kaa nee, min kaa nee! k tu buolu nba bo k yi k sann ne waa. ² N tantl n nui k tien buolu n tti n datayi k som sonbuuk ni ne, nan u dudukit nba ŋantƆ biannu nba ne; ³ Buolu nba dont n wutuol yookl, k mann tingbana kpaant ni, k jokit bonnunubt tingbana paak. ⁴ K kaat b binbebuol, k nyiok b tuu saan tnfiat ne nie, k ŋman duo nant, k b sua ne ni gbienan jƆkint. ⁵ ŋaan yien lieb a: sietl t buol ni, daa nakii mii, k maan n tie kasiie!... Ne nba ne buolu, tie nan munyuut nee k kua n niana nii, k tie muu nba di yuo kul. ⁶ ŋaa ma suol ma saa tien biannu nbae ne: n kan mik k ŋmin ni, n saa te yin la falaa, mƆnie, n saa te yin la falaa. Iibiit paak, kaagbennu yete ne , ⁷ nan i baa nba nba nbaa din juo bonnunubt juat paak ne biit paak, k din biil n pal kunkonna paak ne. Nsaa pab b pauuk nan baa din tun k jann nee. ⁸ Kaagbennu nba yet a ne; daan tiliƆ kaa, k maan u nii mƆk piisin! N saa tun n nee, k dukin lomba k mƆk n tuontunna po ne, ŋanne saa te k l kul n daa tie yanni. ⁹ N saa k te k yaatuona n nyi saakƆ ŋaani, k te ku nba tan saa yent n juat ne n nyi suuda; n nigann kabe tan saa yent yent ne k n tuontunnae sii kua l yent manŋ ni. ¹⁰ Saalon tan sii tie bonkpb bit k paabuol, k Akool baƆk ne tie bonkob saakat dibuol, k tul n buolu nba kpaan nin ne. ¹¹ ŋaan, yinnbz yet kaagbenu, k tanm u kasii jual po, ŋaan maa Gaad tingbann, nan Meni tingbann k pukib. ¹² N saa te yubƆnne n baali, i tan saa te gbanne k tant tulu bin kƆti, k maan n yiin k i k sakii, k n pak k i k gbiin; ŋaan tun limbaa k ŋan n nunŋ po, k lukit linba man n pal paak. ¹³ L paake te k kaagbennu, t yomdaanƆ yet a: i golii, n tuontunna sii diye, k yinm be kom; k b nyu, k yinm be nyunnyuklu; b sii be palpeenn, ŋaan yin di fei. ¹⁴ N tuontunna sii yiin b pamann yanni; ŋaan k yinn, ki yikin nan yanyouk. ¹⁵ N nigann kab saa jii i sanne k lii tie motont nyinn; yomdaan, kaagbennu tan kpii, ŋaan tul u tuontunna sanpaann. ¹⁶ Unba kul luon piisin tinŋ na ni saa pol bal mƆni yendue, k wunbaa kul saa pol mob tinŋ na ni saa pol bal mƆni yennu sann nie, k maan yaayuoni daami ne kul saa gbennaa, k bin ranm l po. ¹⁷ K maan n yaa man nan sanpaapo paanne na tingbonpaann; b ta saa tanm linba gal kul poe fas, l kan mik jen b dudukit ni. ¹⁸ Ii pala iman k yii yuokul k punkpƆnmuk ni, k dukin linbaa k n saa takne paak, k maan n saa tak Selusalem kpunkpƆnuk nie, k niib nba kua u nii be pamaan ni. ¹⁹ Selusalem siitie n kpunkpƆnmuk, k n buolu tie n palman b ji kan mii gbat wuyikini nan bubuik fuuk. ²⁰ L ji kii mƆk bik k boi nikpel k u kan baal u daal; unba kpo k mƆk binna kobik sii tie nipaƆnŋo, k motonn sii be unba la binna kobika ŋan baa biit ni. ²¹ B saa maa ŋeie k kua l ni; b saa wuu damunŋ tiini k tan dii l nyuat; k maan n buolu manfuol sii wei nan tini nee, k n nigann kab saa dii b nui tuona nyuat. ²² B kii buul damunŋ tiini a luo kaantan mua luana. K maan n buolu tan sii wai nan tiini nee, k n nigann kab sii di tuona nyuat. ²³ Tuona nba k tun ne sii mƆk nyuate k b waas tn ka kua ninbaƆk ni; ŋaan b saa taan tie buolu nba k kaagbennu tulib piisin k b waas be b yamaa ni. ²⁴ B tuu tan sii piak k gbent ne, l sua kn teb baa luon linbaa waa. ²⁵ Kinkatil nan pebik saa taan dinu, k yanbƆl saaŋman muat, nan nab ne, k waƆk jiet sii tie tanbiinie. K waƆk ji kii mƆk lƆbii, k saa fit tien bonbiil n ka sii jual ne paak, kaagbennu nba pak wanne ne.