¹ Fiit kii nyilii, k man yinyen baat a paak, kangbenuk yudant sa yent a paak, kangbenuk yudant sa yent a paak. ² Gotl bunbƆnne piin tinŋn k niib be bunbonne ninŋ, ŋank kangbenuk ba na na ŋank yudant b a paak. ³ K buolu sonm yenyenn ni k kanbalaa, sa dia b buolu yenti ne ni. ⁴ Kan klint a mƆnŋ k got binba baat na, waat ee kpent ne, ka bonpobi ne k b jiib nii paak. ⁵ A sii be nan kpinkammuk k be na palpienn ka paal n jek k bia put. Yoo nba k mƆknt saa nyui mƆkgbeŋlpo yoo nba k baal a buol, yoo nba k buolu saa jii jiiwulaa k kpen nann a buol. ⁶ K tanii sabéa baal k gbé a do, nan yokt k nyui madian nan Efa nan sébua kul b si dio wuuba nan wuuba kul k muunt kangbennuk saann. ⁷ Kédal bonkobt kul sa tikl a buol nebajoth peijaaii ka si tie malunŋ ŋanme si do binbintl paak kl man n po k yudant ŋaak ne sa laa dontl. ⁸ Linm po ée yuuk nan sanpagbana n k tie nan ŋmana tu ŋmat k sanpagbana ne. ⁹ L tie nan ŋallint nba tu nyui bantƆkl k kpent nan yennu niib k t dia salin man nan salinpiena, kangbenuk yenu saanpaak, ŋua ee tie islael tie nba dont unba. ¹⁰ Waa saani saa ŋamm maa a joono k b kpanbala si jiantla, k maan n babe wutool ning e k dat a tuuba ŋaan n saa tina ninbaak, k sooma. ¹¹ Ka tammoi sii ya yo kul, l kaan lon yendu n aan nyiok. K lin fi te digbanak panbala n kuo nan bi mƆktut k tula. ¹² ŋan ne saa te k man bian buoli, nan digbana nba k jiontia ne l buolu n sa gbenib. ¹³ Liban yudant ne sibe a paak, k b saa baal nan daat nba tie foi, nan nakpaklii k tan ŋamm fanŋ yendu ŋant buol k bia ŋanm k gbénŋ n taa ŋmabuol. ¹⁴ Binba mabinta ne yabuona ne tan saa baal k gbaan a tuann k tula bakl k binba yisina ne kul tn saa gbaan k jianta, k bia sii yiia kangbenuk do k bia sii yiia sion nba tie Islael tieb yaal. ¹⁵ Fin nba k b yeta k bia nana, k sua kan kua ninŋ, n sa te k fii fan yaa kul, a sii tie kpinkpammuk buolu nan buolu ni. ¹⁶ A sii dii dii siate l buolu ni, k kpanbala si muant bii me, a saa bann nan n tie kpangbennuk a fobdaano, a yabint dano Jacob bnguedano. ¹⁷ N kantuulo donnŋ ŋan nyii salummƆna ee, n kantuuola kuut ŋan nyii liklii, k nŋiik taabii, k nyii likii, k nyii k taabii, k nyii tana, nan tul kuut, na saa te k l lafia; b paak kigbé nan mamƆnni. ¹⁸ Sua ji kan ban gbat jat fuul, a tinŋ ne ninŋ, k billu ji kan ban k buuel a tinŋ a saa tuul a dikpina faabu, ka tan mƆii be yuudantn. ¹⁹ Yenu ka ji si tie a yentu daal k kul ninŋ, k ŋmalk mun ji tie a yentuu nyuƆk, k kangbenuk di sitie a yentuu kul, ka yentu nyu kanƆk k kangbenuk k di si tie a yudant. ²⁰ A yennu kan ni baa, ka ŋmalik mun kan ni bonn, k man kangbenuk si tie yinyinn yo kul k nun monn daal ne sagaal. ²¹ K niimƆnm kua ji sibe, ŋnme ji sa yent l tinŋ yaayoosiiyoo, mine nammk kaamm a man fiit n yabint k ann sua kul. ²² A yabik nba tie sikin n mƆnŋ ŋaak ne Sala panŋ, k t nan digbanjaane na na sate limba ne ntun yiama, min kangbenuk ee yet.