¹ Yiikin nan penŋ k la sie, donn a kunkƆl nan nagbaak na, k paak a niib b faag po, Jacob ŋaag niib b biit. ² B kpaanin daal kuul, b luo bin bann n sonnii; nan duo nba ban baal mƆni sennu, k luon wun naakin yendu. ³ MƆlole tie be, li tie kak laa? T sikin t nalenŋ k laa kƆn. MƆlole daal i tuu tibin, k Jaant nan paalu kunkonkonna po. ⁴ I tuu lƆle mƆb k piag k bia kƆn, k buo lieb nan tonnu.I k lƆlin nan la bual daal bian nba k fiit ki kunkƆl n gbaat sanpaapo. ⁵ L tie mƆlole baa mƆlƆ nalenŋi? K tibin yuul nan tiig nba gon, k duan gabbtuog nan tapent paag, ŋann si tie mƆlol nba nien kaagbennu daali ? ⁶ MƆlolu nba man n po n na: lotl tonnu jaaluk, lootl maabl lool, belin binba biaak, k yooki kuul n yakit. ⁷ BƆkitl kpaanu nann wunba k kƆn mƆkƆ, k kuan taalat daam a ŋaag ni k lann tiat wunba somm yaan, la yien wunba naana sƆml. ⁸ A yinyiem saa puut nan yennu puut kaal, ka baatuk n paag, k baalmami somm a nunŋ ni, k kaagbennu yudant i be a ni. ⁹ A saa yiin k kaagbennu n tuon, a saa yiikin wun yeet'a mine na, a fƆkin a buol yooki kuul, tƆƆk biug nan maabiit. ¹⁰ A i tuul nulƆ jiet ku dii, a i diin nulƆ nalenŋ k u gbio nan yendu maan, a yi,yiem sa fiil bunbƆnn ni, ka bunbƆnn si tie nan yensuuk ni. ¹¹ Kaagbennu si tie a ŋmaakit tua u saa gbuon a nalenŋ tinkuon ni, u saa tuul a nui nan a taa lanŋ, a si tie nan lƆmm nba k b maanƆ, nan nyuntuƆk nba k nyumm k fuaat. ¹² A niib sa maa b yaakpeli ni, a saa donn fiakl nba weii; b saa yiinna guƆnuat luƆ tua, wunba ŋaami sƆnnu, k ŋaami duokuakal. ¹³ A i suol a monŋ fuondaal k k tien a monŋ buam l daal, l fuomdaal a caab kaagbennu k donn u saan, k laa saa sƆnu, k bia laa tuun toonn, ŋannika k piak maanba k mƆk nyaat. ¹⁴ A saa kuan kaagbennu a yaan ni, n saa donna duo paapo, k dinna maanu fin jii a baa Jacob faal klma kaagbennu moob n yeet.