¹ Kaagbennu yennu yet a: IicƆlin linba took ki bia tuun linba ŋan; k maan l kan weii k n tinnuu saa baal, k yin la n ŋant. ² Palmann ne nua nba tiaan fuom daal k bia diaal tuun fanuu, k bia k dia u nuu k tuun tuunbiit! ³ SaanƆ nba jii u mƆŋ gaan nan kaagbennu yennu na ji kan yet a: kaagbennu yennu bƆkt nyinin u niib niŋ a! k jatuaakl mun bia kan yet a: gotl n tie tikuonŋe! ⁴ k maan kaagbennu yennu yet a: jatuakaa nba dia n fuo daa bia tuun ŋanuu, k lukt linba nyaa l ŋan an tummu, k bia yabii b mƆŋ k kpaatl n mosonaa ni, ⁵ N saa tulb yiaa n ŋaak ni, k bia diaan b sann l dakpinaa paak, k l sii ŋan k ciie bonjaii nan bonpuii nba k b bo saa mal na. ⁶ K saam nba mun jii b mƆŋ gaan nan kaagbennu yennu tunnaa, k bial luon u sann paku na, binba kul diaa fuon daal, cƆlin fanuu na, k bia yabii b mƆnŋ paak k kpaatl nan n mosonnaa na. ⁷ N saa saan nam n ŋant kunkonn na paak, k manŋ b palaa n miatii ŋaak na ni; n saa gaal b mujuonuu maluonŋ nan b malint kul n binbintl paak; k maan n ŋaak sann ji sii yi nibuoluu yenmiatii ŋaake. ⁸ YemdaanƆ, kaagbennu, wunba toant Islael daabaa na piaka: n saa taan niib kul nan ŋam b kul b tintaan bul. ⁹ Yim bonkobt nba be kpaant nan fual ni, baat k tan di man. ¹⁰ Bguutiib na tie juanme, k k mƆk ninfam, B kultie bƆmuiic, k kan fit gbekin, b dua guante, k damii damiit. ¹¹ B tie kpaatieb nba k ban siaale, nuakul kpaan u kuukua yale. ¹² Ii baat naa man, k n kpaandaan, nan i dapaalin kul k tin nyuu! T bia saa ŋam tien n nae wonn, ki bia kii ŋamii tie ki pukii!