¹ Gbiint l n man, yinm nba kpaan mƆnkunt, k kpaan kaagbennu! Ii kpaa nunŋ tanliuk nba k b din kpieli na po, fonn nba k b din nyinni lini ne po. ² I paa i nunŋ yi baa Ablaham paak, nan Saala nba kukuae k n yiinƆ, n tulƆ piisinm k bia nƆbinƆ. ³ Nnee k kaagennu tiin siiƆn ninbaƆk, u baak mƆkƆ ninbaƆk; u saa te ku kunkuok n nant nan Eden, k u tinkuinŋ ne n nant nan kaagbennu kpint kpaab palmann nan kpunkpƆnmuk tan sii be u sunsunkni nupuo tulu nan yankpanyi. ⁴ N buolu, gbiitl fanu! N yent, caant a tubl! k maan sennu saa nyi n yaa buol nie, k n tan saa bil n sennue k i kii tie buoliyinyiiann. ⁵ N mƆnkunt pel naa, n faabu saa dƆkit, k n kpunkpante tan sii duu n yaa paake, b tan saa juab b mƆnn ki cab n kpunkpante. ⁶ Yaatl ninbinna man k got sanpaapo, ŋaan bia tibin k got tinŋ paak! k maan sanpagbant tan saa bote nan nunyuut ne, tinŋ n dut nan kpalcant ne, k niib nba kua u paak tan sii yuabee, k n mƆnkunt ne kan nii gbenn. ⁷ Gbiitlin ma, yinm nba ban mƆnkunt, buolu nba, k n sennu dua a palni na! Daa ŋmaan man niib neboniit ne, k b bonmal ma bia te ki jekl. ⁸ K maan tuntuak tan saa yokitib nan kpalcant nee, k wobii n muab nan gungunt ne; ŋaan n mƆnkount ŋanni sii yua bee, k n faabu ne tantil binn nan bin. ⁹ Fiit a guan ni, fiit a guan ni! lian a panŋ, kaagbennu fiit a guan ni, nan dindaansia ni, binna nba gal ni ne! Finkaa din yiel Esipt k din biil jaŋmaani bonnunnƆnŋ ne? ¹⁰ Fin daa din te k mƆkl kuol mƆkgbenŋl nba mƆk nyun ciƆnŋ ŋaan tien sƆnjak ne nii a niib nba k a nyinnib ne n gali? ¹¹ Kagbennu nba fat binbaa tan sii tunni nnee, b tan saa tunn an nyanmu yannie, k pamann nba k mƆk gbennu ji gbie nan b yula; kpunkpƆnmuk nan Pamasl saa nankin lieb. Palbiil nan yanyetuk saa bot. ¹² Minne, minne maant yi pal. A tie ŋmapoe, k sii jie nifosaalik nba tan saa k po nifosalk bik wuu ne jaŋmaami nba naan nan muat ne? ¹³ ŋaan tann kaagbennu, bunba to k a be, wunba jƆnn sanlagbonŋ k bia bil tinŋ! k tu jakil binbaa wanta fala nan wutuol buol ni, k maan b luon bin biie! Wunba wont fala manŋ wutuol be lee? ¹⁴ L kan wai nan luot dansalk k ŋaa; u kan kpo sansalk nii, k u bia kan nii kƆn, u daal jiet. ¹⁵ Minne tie kaagbennu , a yennu unba tu kpit mƆkgbennu k te nyun pana fuuk. N saane tie kaagbenu nba tie kƆntua. ¹⁶ N tien n mobona a mob ni, k bia bakita nan n nuu maasu, a fan jƆnn sanlagbonlaƆnŋ k bia bil tinpaanŋ, a fan maat siƆn : a tie n buolu! ¹⁷ Fiit guanni, fiit guanni! fiit set, Selusalem, a nyuu kaagbennu nuu ni u pabienn daymanŋin, k nyuu, k nyuu liisin daaŋmanŋ k saa baal dabinna! ¹⁸ Baa sua k be k saa ŋmaktua u waas nba kul k u mal ne nii, Baa sua k be k saa dat u nuu waas nba kul ku wuoni ne nii. ¹⁹ Bonna ŋanle ne kul baala e ne: lanne man a po? Bonna biilu nan tatimu, konn nan bonjiak. n tie ŋmapoe k saa balinma nii? ²⁰ SƆngƆnt buol kul, gbanancƆkint tuu te k a niib n baa, nan piab nba tuu sik bƆluk ni k sie ne, kaagbennu wutuol panŋ ne gbatib, a yennue dat a tubl. ²¹ L paake tien, gbinntl ne, wahala daanƆ, dayiblƆ, ŋaan k nyuu daan! ²² Kaagbennu, a yomdaanƆ nba pake ne, a yennu nba kƆn u buoluu paak: gotil, n kubitl a nu ni liisin daŋmanŋ, n wutuol daŋmanŋ; a ji kan nii k nyuu! ²³ N saa senn binba wahala ne ŋaak nie, ŋanm nba daan tu yien a boant , k t gal! a daan tuujii a binbonŋ k tien tinŋe, a tien nan pann ne k niib tƆkii.