¹ Nne kaagbennu pak k tul u niib nba be Cyrus kuu diab u nuuni , u gann ŋuae awu kɔn k nŋann digbanna k tumɔ a wun liat kpanbala yennu saa luot doi na tammɔi k turɔ . ² N sii sonm a nuŋi , k ŋanm sɔ ŋmaaka k bil kuta gaana nan kuta jaalit na . ³ N saa tuulaa faalinba baabɔl , nan mɔkin nba bo k laat , k l fit fin nba nan mine tie kaagbennu nba yia a sann Israël yennu . ⁴ N tuosun Jacob lom paak nan Israël nba k lukt na , n yia a sann , n yina nan cɔlte l fit fin tan banniŋ . ⁵ Mine tie kaagbennu sua k be , minikaa yennu jik kaa ; n daan dia kaa daak k banneŋ . ⁶ K l fit niib nbann kaa ka yennu nan l baaka nan mini kaa yennu jik kaa , mine tie kaagbennu sua kaa . ⁷ N tie yinyeŋa k bia tie bunbɔn , n tien balk k bia tien yubɔn , kaagbennu n tie l bona kul . ⁸ Saanpaak kii be saan paapo , saanpagbent siikin balmɔni ! k tin n luot faabu n nyin , k faatuu nbia baal ! min kaagbennue tak l bonna kul . ⁹ Yubɔn nan wunba jaalk u taktua buuk bui ni ! yɔk saa fit k mat ŋɔk maalɔ na be kaa tien ne nna ? kaa tuon jik kaa nimii ? ¹⁰ Yubɔn nan wunba saa mat u baa a bete kaa maalimi ? nan u naa l tie nle kaa maalimi ? ¹¹ Nne kaagbennu , Israël yennu , nan u taktua : a luo fin boii l nba baat poe , a tienn senni n waat nan n nuu tuonn poe ? ¹² Mine tank tiŋ , linba paak k taak nufuosalik ; mine taak b gbiat kul . ¹³ Mine fiin Cyrus n ŋaant niŋ , n saa ŋanm u saanjot ; u saa maa n duo , k bia nyin n daaba , k kan bɔii sial , kaagbennu kunkɔkɔna saakue pak . ¹⁴ Nne kaagbennu pak : Ejipt tieb nan Ethiopie tieb nan sbeen nba mɔk fɔkit , b saa baal a buol kii be nannaa . L niib saa sonm nan jalte k baal , b saa gbaan a buol k balmaa , abuol kuae yennu be , yennu faanu k be . ¹⁵ ŋan tie yennu nba bɔliye , Israël yennu faabudanɔ ! ¹⁶ B kul tuun fei tuonn k tuul k saa nan fei , paat maala . ¹⁷ Kaagbennu paake k Israël laa faa bu , faabu nba kaagbennu ; jik kaa din fei k bia kan tuul , kaa-kaa nan kaa-kaa . ¹⁸ Kaagbennue pak wunba tak saan paak yenyemila , wunba tak tiŋ nan l paak bonna , k takɔ k fit daa tamii u po , k naamɔ wu tie binbe buol : mine tie kaagbennu sua jii kaa . ¹⁹ N kin ban pak bubɔli maan tiŋ na paak ; n k ban Jacob ŋaak tieb nan bi kpaanin b kan laan ! min kaagbennu n piak balmɔnie k tie linba tuak . ²⁰ Taalmaan lieb k baal , yii kul n naakin , nŋikin man doii ! b k mɔk ŋan binba jii enkpel kaat , k jii yennu nba kan fit k tinnib . ²¹ Ii wannɔ , k t binbaal ! sua kul n gaal kpaani , k pak pin pikaa , k mat yuowaa ? min kaa tie kaagbennu ? k yennu jii k be k bukin n po , mine tie yeneeml nba ŋan k bia faabit . ²² Ii ŋmant n po , kii saa laa faabu , yim nba be tiŋ na paak kul ! k l maa mine tie yennu sua jii kaa . ²³ N mɔŋe pol , balmoni nyii n mobin , k n maa k tie yann , dunne saa g baa n buol , jelen kul saa pɔle . ²⁴ Kaagbennu saa mat a u tien kunkɔtua , balmɔni nan paŋ u niŋe ŋmaa tuuk be binba daan donn wuutuol u paak . ²⁵ Kaagbennu paake k Israël tieb saa laa dotl nan ŋant .