¹ Li yuo manŋ, Melodak-baladan, baladan bija babilone kpanbal, ku dian kaa douk tun nann ki tul Eskias, kiman u din gbaat u yialu nan nan waa tan paak-e. ² Esekias paal din manŋe, ŋaamna kuu jii binba kib tuum-ne ki saan wƆnnib u faal buol likili, likitana, taalari, pawura, u faal kul; Esekias ki bƆlb sial u wuanib likule. ³ Esaii yenu masƆkini, baal kpanbal Esekias buol, ki boiyua: niib na yaabe, kib nyile ki baal a buoli? Esekias jiin a bi n ji duonba fuake kiball n buol ŋaanne tie babilonn. ⁴ Ki Esaii boiyua: bi laa be a ŋaakninŋi? Esekias jiin bi la linba be n ŋaakninŋ kuula sial k biiar k kiwaanib. ⁵ Ki Esaii yet Esekias: gbintl kaagbennu kunkƆnkƆnnua saakua manaan. ⁶ Yuobaat kib taan saa jii linbakul be a ŋaakninŋ ki kunnanne babilonn, linba ka yaajuam din mƆk kul, sial kun ten kaagbennu-e maat. ⁷ 7Bi saa jii a bonjainba ka mƆke, nan a yaa buona; k jaab bi tuun babilonn baatŋaak. ⁸ Esekias jiin Esaii : kaagbennu maaminba kaa maat ne tie baar moniye, maa saatien binanba n sii be yanduam nan guuruninŋe.