¹ Digbannaa niib kul, i nankin man, k gbat maan! Buulu kul, caant i tuubaa man! Tinŋ nan tingbanŋ nan linba kul be l ninŋ ii gbiint man! ² K maan kaagbennuk yennu wutuol saa sik tingbonŋ nibuolu kul paak, nan u wutuciƆnŋ na kunkƆnkƆnnaa kul paak yaa wun biilb k tin yann u ponŋ bobin b kpinuu waa. ³ B nikpinaa na saa yat dua duu kul poe, k bat nubl, kb sƆn na n pobl k tanpiin kunkonaa. ⁴ Sanpaapo kunkƆnkƆnnaa kul saa tabt-tabt, k sapagbonŋ n pƆbt nan kadaaƆk na, k l kunkƆnkƆnnaa n baa tinŋ ni, nan kinkonŋ (Figuier) nan daan tiinii faat nba tu suul baa tinŋ ni na. ⁵ K n juk banjiaak n bien pal sapaapo; k sik Edom niib nba k n bobin a n biilb na k kpib. ⁶ Kaagbennu yennu juk gbii nan pijaii nan wojaii sƆn, kpijaa sanaa paa kpakpanaa miian l, l paak; k maan kaagbenuuk yennu malunŋ bonkobt be botsla, nan kukpienu Edom duo ni, ⁷ K muneii siibaa nam, nan neii nan naajaa kul tinŋ ni; k tinŋ n nyu sƆn nan kpank tan matik. ⁸ K man l tie kaagbennu yennu daal nba k u saa jiin u panttuul, binn nba k u saa kƆn sion paak l na. ⁹ Edom mƆkaa nyun saa kpant kpabonŋ, k tantienii n kpant falwutl, k u tinŋ n di muu nan kpabonŋ nba tu di muu na. ¹⁰ L sii die yennu nan nyiƆk kul, k munyuuk do k k mƆk gbennu, u pal saa wat l binaa nan l binnaa, baa nisua kan ban k gal leŋ. ¹¹ Fiint, nan gutaa, nan kinkaat, nan twaantoont saa yent, kil dua leŋ. ¹² L biilu nan falwotl kimƆk biknu. Saakoa sii kaak sa sinn kpanbal, k kpanbalaa waat na kul saa dinŋ. ¹³ Kunkonpiini, nan jagot, nan kanlƆkbat nba saa pia k luon duo manŋ. KinkanbƆjaii nan balŋmaant si dual leŋ. ¹⁴ Tinpaanpiunŋ ni bonkobt saa cet muboii, k wojaii saa yin lib leŋ, k nyiƆk bin bii tu ki jelin leŋ, k bia tu duan k foii. ¹⁵ WaaƆk saa tien u jennaa ŋenŋabuol leŋ k ŋaa u jennaa, k wakin, k kaal k dina u bonbit, k leŋ sii tie konbajuut tintaan buol. ¹⁶ Gotk yennu gbonŋ ni, k lii man! Nan bonfoyenƆkua kan biil, b bia kan bot; k maan u mob i pak a lin tien. U seyenŋii taan b kul k b be leŋ. ¹⁷ Yennu e pal tulb, k u nuu bƆkt b binbe bua k tul sua kul nanu yial, k b sii kua leŋ binnaa kul.