¹ Eftaim tingbonŋ bonta. L baakl ne piak, na tipuk foklik nba k b tƆndanm nba tie dayibla na yil na b palbu tansakab na sial tula: fanu, ŋaan ji bial duo k yib k kpowa. ² Linba ne nyii yonm daano buo le nulua nba mƆk panŋ nan yiik, saa baal nan sakoa na, nan sajakpal biuk na, nan nyunmƆnpaalk na, k luu tinŋ man nan panŋ. ³ U sa buon EflanmtƆn dan dayibl palbifala ne tinŋ n. ⁴ Nan t puunba tu ŋnili baƆuk nba kpai ninŋ, ŋan kol na, k bot nan sinsine kikana nba tuu mƆnne k bin pual muo na. ⁵ L daa ninŋ kangbenuk kuƆnkontu si tie nan kpanba foklik nba nyilik k bia fan n u niib nba tenn paak. ⁶ U sa tuul binba tia babuula na mamƆnm ŋan, k bia tuul panŋ binba tuut ninnanta k nyin tib b tanmoi ninŋ. ⁷ ŋan b mum ŋmat b mƆnŋ dann ni, k dapaalin ne j tuu te k b nuuni fuun, k manntieb nan sƆkniinba na mun tuu yib daan, b niinii po ji tuu fuun k ma b nyuu dapaalin, b jii tuu ŋmat b mƆnŋ aa k sƆkint, b jii k fiit tuu buu man nba k niib baat nan ne. ⁸ K taba nba k b kal l buol ne siit piina k yial ji k be. ⁹ A yaan tuumi ŋme yanfomi? Lanmé ka yaan tubl mann manŋ? Nan manŋ ŋan nan bonbuna nba ba dapiint jeedinu ne, k da tutkl biil ne? ¹⁰ U yiaba un tumi nanml naml, nan gunu, nna taka takabu. ¹¹ K yinmi kangbenuk sa jii niiboot ganii nba piak nagni ne ee k pak nn u buolu. ¹² U yetua a: n tuli foomé ne, un ba bak yin téu foon. Gotl man foon n buol le na? ŋan b k lion bingbiite. ¹³ B pak ke te k kangbenuk ya wun tu mii i nammil nammil nna guunu guunu na takabu, taakabu, isi gbaitl k baa taakabu bin ni isaa la danŋ k sik baalukin, bin kuani dansalk. ¹⁴ Ii gbiint linba k kangbenuk paak neyimm galuk danm nba kal Selusalem k dia niib ne. ¹⁵ I yeta, a yinm, nn kuum lolk taan mƆba, kyinm nan kpientinŋ yab suol suolu wa, i daan nan mƆkli gbé k gaal ŋaanlt baal yinma, k mant malin fok k sa yet, k bia mƆk faƆƆk. ¹⁶ Li paakee k yonmdano, kangbenuk paak linbane, nfƆkin fiakl nba tie taan sion ninŋ, taan bikin kal, taan nba guuk mƆk daak kuu ŋanm k dia; ku nba yi u paak sa la panŋ k cial. ¹⁷ N sa te k niib i be sunsƆnne k mamƆni i mƆk Janŋil, k sajakpet sa wuul linba guui na, k nyunmƆne n di fak nb kituu maa l paak ne. ¹⁸ Ya lol nan kuun mƆb nba ne sa bil k ya suol motaak nan kpientinŋ yab ne sa tat yo nba k mƆk sagbé k paak u sa tabi taale. ¹⁹ U sa gal yo nba kul, u sa soli ye; k man u si gaal saŋaƆnkin, yensikin, nan nyiƆk, k u fuut kua sitin mƆan. ²⁰ K duanu ki fƆk nan fin taan, k bonpinŋl n waab nan fin pin. ²¹ K man kangbenuk sa fiil kƆn nan wa din fiil kƆn pelatsim jual buol, nan gaboon buok buol ne. U sa tuonn n a, u yalutuk tuonn manŋ. ²² Odane i da te k b laaii, n ŋmaan nan bona nba ki tuul nan n cielki, k maan n gbat lol nba kangbenuk t kontua lol k dii tinŋ kul biiluu po na. ²³ Gbiit man, kul biiluu po na. Kuan i tinŋ k gbat ma piak linba. ²⁴ U nab koo a wun buul u koo ya kul ee? U tu yeel k ŋmat k pot ee u kpab manŋ ii? ²⁵ U tu k ŋnam tinŋ ne ka, k buol bonbot i ne li jummi nan nanjoi k bul kalbonta nan dii cabu cabu, k bul bonbooia u kpab ne kpinŋ ii? ²⁶ K man u yennu wanno sonmil nba ku sa tuƆkin, u tulua bonnua. ²⁷ U k jikt lanbangbégbéŋe k buo juumi nanjoi ibinm u tuu jii lanban bik nba l kpiak janŋ ee. ²⁸ B buo dii, ŋaan b k buo yookul ka, b tuut tantot kob l paak ŋan li biin kyie. ²⁹ Li kul ne mun bia nyi kangbenuk yonmdano buole, u paami ŋan bonciane ku yan fon yaab.