1 Kaagbennuk saa biil duo k lin dual tinpaanu, u saa kut ŋmatƆ k yat niib na kul. 2 L mantieb nanb niib, nan canbaabanan b daaba, l bonkuata n binba daa, l cannaanba nan b tuuntunbit, l kpent tieb nan binba gaan, l mƆtaa na b pandiilaa b kul saa di falaa. 3 Kaagbennuk pak nan duo na saa dual yanne, k tien langbent, k l set saa tuma. 4 Duo na panŋ gbenn, k u be kpinkpinn ni, k niib nba kua leŋ bak - bak, k mƆk panŋ. 5 Duo manŋ niib i bo te k u biil; k maan b bo k cƆlin yennu sennii, k yet u maan b bo k yennu mololaa nba kaagbennu na. 6 L paak te k yennu maton saa biil duo na, k niib nba kuoleŋ na sua kul n la u biit tubdatu, l paak k te k duo manŋ niib saa di muu, k ta tenn niib waamin na. 7 Daan tinii kuule, k mƆk mƆnnii; k binba kul tuu mƆk palmann ji mƆk fabin. 8 Ginganaa mƆnii nba tu mƆk l set jaam dinu gbenn, kbiat faanu gbenn. 9 Sua ji ki waa siak k bia nyudaan; binba tu nyu dapaalim k l tonŋ b paak. 10 K duo nabanaa kul ŋmat k biil, k ŋeii ta moii kul luu-luu, k sua kan fit kualninŋ. 11 K palmann nan manu nba tu be ji bot duu manŋ ni, kwuyiknii yikin sƆniini, daan nba gbenn na paak. 12 Duo na ji bial tie langbent, k l tanmoii kul bit- bit. 13 Duo nani banmƆn sial kan tenn leŋ, nan baa tu nik (oliit tiik) k luanna k tent, nan ba bia tu jaan jiit k gbenn k l ten yenn-yenn nae. 14 Binba saa tenn na saa yin palmann yanii k dont kaagnennuk yennu sann; kii yikin palmann wuyiknii yenbaapo: 15 B sii dont kaagbennu yennu sann yendopo, k binba kpia nan mƆkgbenŋ l kpini sapak dont islael yennu, kaagbenuu sann. 16 Tingbonŋ kul pot saa gbat k b yiina: dontl tie wunba took na yala! ŋan min saa yeta : yuubonn be n paak! nbotaa! nbot a! Fat tieb na saa fatit, b babin fatu k gbennu. 17 Yim niib nba ku a duo na ni falaa dinu, nan buotit, nzn bzlt bzbin be ii paak! 18 Wunba tin nyil falaa ni saa baa buotuk ninŋ e, k wunba nyil buotuk ni saa kua baluk ninŋ e; k maan sanpaak luota, k tinŋ fiaaki nikaa. 19 Tinŋ bƆkta, tinŋ buta, tinŋ tinŋte. 20 Tinŋ tinŋte nan dagbolƆ na, u lanŋte nan wunŋ nba tu lonŋ lanbonŋ na; ubiit kpiikƆ, u baa, k ji kan fiil. 21 L yoo kaagbennuk yennu saa dat sanpapo kunkƆnna, nan tingbonŋ na ni kpanbalaa tubak biib. 22 B saa taanluu dansalk ninŋ e, k luu diit nba k waluu be na ni, k lin tien daaŋanŋaawaak bin dat b tubaa. 23 ŋaalk saa di feii, k yendu n fiaak, k maan kaagbennu yennue sii tie kpanbal, k kal selusalem duo ni, nan siion kunkonn paak, k dia duo manŋ, k niib tuuann dam saa la u yent saakal na.