¹ Ejipt tieb labaal kaagbennu kua sanpagbon nba kaati ni, k saa Ejipt; k Ejipt tingbaanna jekl u nunŋ ni, k Ejipt tieb yaam put. ² N saa te k Ejipt nua n kon nan Ejipt nua, k ninja n kon nan u ninja, k yuak n kon nan u yuak, k digbaan n kon nan digbaan, k baa tieb n kon nan baatielieb. ³ K Ejipt tieb foŋaam n bot b siig ni, k buɔ u vegli; b saa puan tingbanna nan paaluuk damm, nan bemba puont nan kpiem nan binbaa piak lemba boat wɔnn. ⁴ N saa tien Ejipt tondaanɔ nuii ni; baat tonŋ nba mɔk paanŋ b paag; nan yudan n nba yeet bianu nba. ⁵ Mɔkl n nyun saa fual k mɔk gbenŋa n kuol k puut yianna. ⁶ K gbe nnii n kuol, Ejipt mɔ biit saa maal k bia kuol, k mɔkl n muat n suul b puuk. ⁷ L sii tie paanui mɔkl (nan mɔk gbiani kuul. Linba kuul k b buul mɔkl gbianu saa kuol k kpant tanwuntuk k juak. ⁸ Jansuola sii faabin, k bemba kuul lunn janpieni sii buut. K suol yaalutuk benba pɔnt janbaa janbaani mɔkl ni. ⁹ Binba dia kaati k luuk cincen pienna na saa ŋmaat. ¹⁰ Binba mɔk tuonna duo ni b naalmi sii be ninbaɔk ni. ¹¹ Tsoan tieb tie jatite, Falaon clkl tieb tie ninfaam danm. I saa paak Falaon be: n tie yan fuoaan bik, boat kpela bikii? A ¹² yanfuodaam be le? T bin la dogtu k tuula, k tin baan kagbenu t kontua nba tien lenba Ejipt paag. ¹³ Tsoan tieb tie jatite, k Noph tieb tie faɔg daam, baa tieb din buon Ejipt tieb. ¹⁴ Kagbenu b sikin b siigni balmɔni fuoŋaam, k bin fiit k lebt Ejipt tieb b tuon na ni nan dagbolɔ nba tuu gbuo k tan siin. ¹⁵ K Ejipt si be kpinŋ k kanfite k tien yuul juol yan tie lenba; nan kaatk nan mɔklin tigbenŋl na. ¹⁶ L daan a ni Ejipt si tie nan puob nee: u si jékl k bia ŋmaan k duukin kagbenu t kontua paanŋ po li tie kuu donn nuu u po. ¹⁷ K Juda duo si tie nan bonn nba meii k tuul Ejipt: yoo ku saa gbaat kaagbennu t konta labaal, jaŋmaani saa suolɔ. ¹⁸ L yuo ni Ejipt digbaana ŋanmu si piaak kana maam, k pool kagbenu nan digban yeen tan si tie digban bing. ¹⁹ L yuo ni b saa maa kagbenu binbindl Ejipt duo sinsukini k biil kagbenu minnɔŋ kpaal paag. ²⁰ L si tie kagbenu t kontua bamm nan gasiat Ejipt duo ni; b saa yikin kagbenu paag duukin tondaam paag k kpaan faabu daan na guul tua wun faatib. ²¹ Kagbenu saa te Ejipt tieb n bannɔ, k Ejipt tieb n baan kagbenu l daal k yiit saali, k tuulɔ piini, k puonɔ puoni k bia tien. ²² L yuo kagbenu saa buo Ejipt tieb k bia teeb, b saa lebt b mɔnŋ k weii kagbenu wun gaalb k teeb b. ²³ L yuo b saa la sɔnnu k l nyii Ejipt k saa Asili: k Asili tieb si saa Ejipt k Ejipt tieb saa Asili, k Ejipt nan Asili tieb si tuun kagbenu tuon. ²⁴ L yuo ni, Islael si tie bentaa paag k puukin Ejipt nan Asili po, k doi mɔnŋ n la yetŋanm. ²⁵ K kagenu saa yet yetŋanm k yeet a: yetŋanm ibe Ejipt n buolu paag, k Asili n nuu tuonn tieb, nan Islael n Faadila.