¹ Ruben tie Islael barkperik. k maan u din tie wunba bisint malua, ŋaan u din taan nan wu baa, k u bikpelt'n yudant Islael din lonn tul Josef bonjai; ŋaan yuo nba din gal Josef sanne din k pukin bikperi kanna. ² Balmɔni Juda din mɔk panŋ u naa waassin, Josef booru mun din tie bikperi. ³ Rubenn tie Islael bikperik k din mal bonjai banna na: Henok, Pallu, Hetsron nan Karmi. ⁴ Joel bija: Semaeja ku mun bija Gog, k gog bija Simei ku mun bija; ⁵ Misee, k Misee bija Reaja ku mun bija Baal; k baal bija. ⁶ Bela, k Bela bija tie Ruben tieb yuudanoa nba, k Assylia kpanbal Tilgaf Pilnesa din fa taab k soloa dabit. ⁷ Bela ninjan nan biŋei Saakab sana k bi soab tootl tootl nei na: sinsin yoo Jelyel; Sakalia, nan; ⁸ Bela, Asas bija, k Asas tie Sema bija, k Sema tie Joel bija. Bela din kua Aroer yent ni k satn Nebo nan Baal Meon; ⁹ yondo po, bi linkoa k tant saantu tanpukl paanu nan Efrate mɔkl kpianu, k maan bi bonkobt yaab bonciann Galad tiŋ ni. ¹⁰ Lanyi Sool yoowa, bi lin konnan Hagal tieb k paakb, k jidiab bi nuini, k bi koa bi suka ni laji Galad yondopo kooku kul. ¹¹ Gad bonjai din koa bi nuntoal ni digban nba k bi yi Basan Saantu Salka do. ¹² Joel, sinsin yoa, safam munlie yoa, Jaenai, nan Safaf k bi be Basam do ni. ¹³ Bi ninjam nba nyi bi baa baa naakut niŋ: Mikael, Misullam, Seba, Jolai, Jakan, Zia nan Ebel bi ban Loolee na. ¹⁴ Bin ba tie Abikail bonjai na: Abikail baa tie Huli, Huli baa tie Jaloak, k Jaloak baa tie Galad, k Galad baa tie Mikael, k Mikael baa tie Jesisai; k Jesisai baa tie Jakdo, k Jakdo baa tie Buz, ¹⁵ Aki baa tie Abdiel, k Abdiel baa tie Guni, k AKIdin tie u baa ŋaak ni saakoa. ¹⁶ Bi din kal Galad, Basan nan digban pienu ni nan Solon do pienu kpinŋ nan kunkoka. ¹⁷ Bi kul din pukin bi yijam kanni daji Juda kpanbal Jtam yoo nan Islael kpanbalJeloboam yoo. ¹⁸ Ruben bonjai, Gad booru nan Manasa naaku bɔkle din mɔk Japart k bi dia kpanna nan saata, talban tuala, k tumi kunkɔnnu na din tie tusaa piina nan ŋanna nan kobii ŋanlole nan pinlobe(44760) din saan konn. ¹⁹ Bi kon nan boolu nba na Hagal, Jetul, Nafis nan Nodab booru. ²⁰ Bi din sommir k fit kon nan Hagar booru nan bin ba din benam kul din koa bi niini. k maan kunkon nani bi din boyei yennu ku gbiint bi miaru k man bi jii bi mɔnŋ k cab yennu. ²¹ Bi din jii bi bonkobt konna; yiyok tusaa piiŋmo; pebis tusaa kobii ŋanlee nan piiŋmo, boni tusaa ŋanlee nan niib tusaa kob; ²² k kun kpo bonciann, k maan kunkonn na nyi yennu buol. k bi kal bi yial na ni nan yoo nba bi tan soolub Dabit. ²³ Manasa naaku bɔkle bojai din koa do na ni, la nyi Basan k san tu bal Helmon nan Senil, nan Helmon joal, bi din yaab bonciann. ²⁴ Binba tie bi baa ban ŋei yula saakab: Efel, Jisei, Eliel, Hodafia nan Jakdiel, Japart nba mɔk sann k tie bi baaban ŋei paak bet nba. ²⁵ ŋaan bi din tun bit k jiin bi baaban yennu na, k jakin bi monŋ nan do na ni niib yennankla (yenbis), nba k yennu din biir bi ninbinani. ²⁶ Islael tieb yennu fii Pul nan Tilgaf Pilnezer Asylia kpanbala paala, k bi soolub dabis Ruben bootu, Gad booru nan Manasa naaku bɔkle k saanam Salas,Sabol,Hara nan Gozan kponu ni simminba k bi koa lenŋ nan moatanan.