¹ Alon yaabuona kobik nba tie na: Alon din mal bonjai bannae; ŋamme tie Nadab, Abiu, Eleasal nan Itamal. ² K Nadab nan Abiu kpo, b baa sinsinn, k b lin daa k mii b waali Eleasal nan Itamal bia k tie nan manntieb. ³ Kpanbaal Dafid din bɔk Alon maalu ninŋ kuan kuan k wann sua kul tuonn nba tie, k Sadok wun nba din tie Eleasal yaabuonn , nan Ayimekek, k u tie Itamal yaabuonn nee, din tie u somm tieb yuo nba k u boktl niib na k tienm b tuona. ⁴ B dib bɔkit Eleasal yaabuona kuonn piik nan ŋanluob, ŋann bɔkt Itamal yaabuona kuonn munnin. B din tun lin nba k maan jab nba tie ŋei saakab din yab Eleasal maalu ninŋ. ⁵ B din bil sukae k fiit biit tuona die die, k maan Yennu ŋaasaakak ne ninŋ saakab, din be Eleasal nan Itamal yaabuona kula ni. ⁶ Eleasal nan Itamal nakuut din bil suka manŋ, k lebt lieb k gbounŋ dialua Semaya wun nab tie Natanel bija k tie Lefit nilɔ ne din dian b sana, k kpanbaal nan u saakab manntua Sadok nan Ayimelek, k u tie Abiatal bija nan Lefit tieb kul nan manntieb saakab kul di siala. ⁷ Cincin tie Jehojalib, munlee ʒedaeja. ⁸ Muntaa, Malkija , munna yua Seolim. ⁹ Munmu paak tie Malkiya munluob Mijanmin. ¹⁰ Munlole paak Hakkots, munnin Abija. ¹¹ Mun yia paak ʒosue, piik paak schecania. ¹² Pik nan yenua paak Eliaschib, pik nan banlee paak zakim. ¹³ Pik nan bantaa paak tie Huppa, pik nan banna paak tie Jeschebeab. ¹⁴ K pik nan banmu paak tie Bilya, nan nan banluobe paak mun tie Immer. ¹⁵ Pik nan banlole paak tie Hezir, nan bannin paak tie Happitsets. ¹⁶ Pik nan banyia paak Pethachja, piinle paak mun tie Ezechiel. ¹⁷ Wunnba wei piinle nan yenua paak tie ʒakin, k piinle nan banlee paak tie Gamul. ¹⁸ Wun nba wei piinlee nan bantaa paak tie Delaja, k piinlee nan bannan paak tie Maazia. ¹⁹ N ne k b din saakinib tuonn ninŋ, k b tuu fit k kua Yennu ŋaak ninŋ, nan bannu nba k Yennu din npaa n yaaja Alon bianŋinba na. ²⁰ Lefit nba buolu saakab liebe na : Amran waas Schubaél, Schubaél waas: ʒechdia. ²¹ Rechabia waas ninŋ, Jischija ie cincinn yua b buolu ninŋ. ²² Jahaf, k u baa tie Selomif k u yeja tie Isal. ²³ Heblonn bonjai, k b tie Jelijanan Amalia nan Jehasiel nan Jekameam k b paa lieb paak saakatuk ni. ²⁴ Samil, k u baa tien Maika, k u yaja tie Usiel. ²⁵ Schakia , k u yeja tie Isia k u yeja tie Usiel k tie Maika ninja. ²⁶ Melali yaabuona, k b tie Mali nan Musi JaAsia. ²⁷ K Jasia maal bonjai bantaa, ŋamme tie, Sohom nan Sakul na Abli. ²⁸ Mali bija Elazal ku k mɔk bik. ²⁹ K Kis u mɔk bi yenŋ ; Yelamel. ³⁰ Mousi waas Mali , Edel, Yelomif; K bin nba ne kul tie Lefit (Levi) buolu kul ninŋ niibe, k sua kul tie ŋaak ninŋ saakua. ³¹ B mun bia li bil sukae,k gann tuana nan b ninjamm nba tie Alɔn yaabuana , l tie nan manntie nba din tun bianŋinba ne, k kpanbaal Dafid nan Sedok nan Ahimelek nan manntieb ŋei.