¹ Bɔwazi yi to lɔ klé tɛn bo nɔ te bɔ amɛ xé ɖo acɛ na fɛnu bɔ bɔwazi ko ɖɔ xo untɔn ɖ'anyi ɖe wa ɖo yi bɔ bɔwazi ɖɔ nɛ ɖɔ wa fi bo nɔ fi bɔ é yi de bo nɔ te. ² Bɔwazi cyan sunnu wo ɖo a mɛ gan xóxó xé ɖo to lɔ mɛ lɛɛ ɖe mɛ bo ɖɔ na yé ɖɔ mi flannyi ɖo fi. Bɔ yé flannyi . ³ E ɖɔ na amɛ xé ɖo acɛ na fɛnu de bo ɖɔ Nawomi lɛkɔ sin to Mɔwabu tɔn mɛ bo sa anyigba xe nyi mi nɔvi Elimɛlɛ ki tɔn ɖe. ⁴ Un nywɛnyi bo na ɖɔ na we ɖɔ hwi nɛ yi anyigba lɔ ɖo to lɔ kpodo to lɔ sin amɛgan xóxó tó lɔ tɔn lɛɛ sin nukɔn enyi ajlo na wa fɛnu lɔ bo wa fɛnu amɔ ényi a ma jlo à lɔ ɖɔ na wun na ma nywɛnyi. Ɖo amɛ ɖe ka lɛ tin bo na wa fɛnu zɛ gbɔn a wu we á bɔ é yi gbe nɛ́ ɖɔ un na blo fɛnu lɔ. ⁵ Bɔwazi ɖɔ gbe xé gbé a na yi anyigba lɔ ɖo Nawomi si ɖe ɔ gbɛnnɛgbe haɖokpo a na yi hwliti Mɔwabitinu lɔ xé nyi cyɔsi ɖe na nyikɔ untɔn na nɔ asuwɔ sin cinnɔ lɛɛ ji. ⁶ Bɔ amɛ xé ɖo acɛ bo na wa fɛnu lɔ ɖe ɖɔ un ka kpewu bo na wa fɛnu lɔ ɖo acɛ cé mɛ a ɖò un ɖo buɖi ɖɔ yé ná wa hɛn cinnɔ cé lɛɛ gudu un na wé acɛ fɛnu lɔ à. ⁷ San xóxó ɖo Izlayɛli ɔ có a na ɖó kojo na amɛ ɖe bò na blo fɛnu nɛ à lo e na sɔ nu ɖe sɔ huzu nu ɖé nyi lɔ amɛ ɖokpo na ɖe afɔkpa untɔn bo na sɔ na amɛ ɖe lɔ nɛ lɔ wɛ nyi kunnu ɖiɖe ɖo Izlayɛli. ⁸ Amɛ xé ɖo acɛ bo na wa fɛnu lɔ ɖe ɖɔ na Bowazi din lo bo ɖɔ yi anyigba lɔ ɖo acɛ towe mɛ xé é ɖɔ mɔ vɔ ɖe ɔ é ɖe afɔ kp untɔn. ⁹ Bowazi ɖɔ na to lɔ bi kpo do amɛgan xoxo to lɔ tɔn lɛɛ din lo bo ɖɔ mi nyi kunnu ɖetɔ na yé ɖɔ un yi nu xe nyi Elimɛlɛki kpodo vi untɔn kliɔni kpo Maxlɔni kpo tɔn lɛɛ bi ɖo Nawomi lɔ mɛ yé. ¹⁰ Mɔ ha ké un sɔ hlwiti Mɔwabunu Maxlɔni xé ku ɖé sin asi ɔ lɔ da ganɛ mɛ lɔ anyigba lɔ na nɔ a mɛ xé ku ɖé sin hɛnnu mɛ vi untɔn lɛɛ na hɛn nyikɔ untɔn ɖó te ɖo to untɔn mɛ. mi mɛ bi wɛ nyi kunnuɖetɔ ce ɖo yé . ¹¹ To lɔ mɛ nu lɛɛ kpodo amɛgan xóxó to lɔ tɔn lɛɛ bi wɛ ɖo flɛn bo yigbe bo ɖɔ mi nyi kunnu ɖetɔ. Mavɔmavɔ nɛ xo ɖɛ do nyɔnu xé byɔ xɔ towe mɛ ɖe ji na nɛ gba kun ɖi Jakɔbu sin asi hlacɛli kpo léya kpo xé ɖo Izlayɛ livi lɛɛ sin kun ɖe ɖɔ wun Dɔkun towe nɛ sú ɖo Eflata sin anyigba ji unkɔ towe nɛ yi ji ɖo Bɛteleyɛmu to lɔ bi mɛ. ¹² Mavɔmavɔ na blo bɔ nyɔnu lɔ na gbakun bɔ xwe do towe na gbakun bɔ xwe do towe na ɖi xwedo Pɛlɛti xe Judaa ji ɖo Tamaa xo mɛ ɖe sin xwé dɔwun. ¹³ Bɔwazi yi hwliti bɔ enyi asiɔ Bɔwazi jɛkpɔ xɛ nyɔnu lɔ bɔ Mavɔma blo bɔ nyɔnu lɔ mɔ xo bo ji vi sunnu ɖokpo . ¹⁴ Nyɔnu lɛɛ ɖɔ na Nawomi bo ɖɔ gigoo na Mavɔmavɔ xé ma jo we do a ɖe é blo bɔ a ka ba amɛ xe na wle yɛyi na wé ɖe kpo a bɔ vi lɔ nyikɔ untɔn na yi aga do Izlayɛli. ¹⁵ Vi xe na blo agbɛ towé ɖo bo na kpɔn wé ɖo nyɔɖaxo towe mɛ ɖo viwesi xé yi wan na wé ɖe ji vi vi to we si hugan vi sunnu cyanwe na we. ¹⁶ Nawomi yi vi lɔ bo sɔɛ hɛɛɛn ɖo akɔnta bo ɖo tɔjwi. ¹⁷ Nyɔnu xé ɖo xwé untɔn kpa lɛɛ ɖé ɖo nyikɔ nɛ bo ɖɔ Nawomi ji vi sunnu ɖokpo Bɔ nyɔnu lɛɛ ylɔ vi lɔ ɖɔ Obɛbi Obɛdi wɛ ji Izayii xé ji Davidi ɖe. ¹⁸ Pɛlɛsi kunkan lɛɛ ɖié. ¹⁹ Pɛlɛsi ji ɛslɔni ɛslɔni ji hllamu, hlamu ji aminadabu. ²⁰ Aminadabu ji naxicɔni naxicɔni ji salumɔɔ. ²¹ Salumɔɔ ji Bɔwazi Bɔwazi ji Obɛɛdi. ²² Obɛdi ji Izayii bɔ Izayii ji Davidi.